Summer Diarhoea (Nipui Kawthalo)
17 April, 2010
7
comments
Tunah chuan thlasik a ral a, ruahtui hmasa leh fur a in chhunzawm chho dawn niin a lang a. Tun ang hunlai hi Kawţhalo, Santen, Tetanus a lanchhuah duh hunlai a ni a. Kan khawlai leh a vel zawng zawng hi natna hrik chi sang tam tak awm mur mur angin han hisap la a dik bawk a. Hengho a hmaa lo darhsarh mai mai kha tunah chuan tuihawk leh tuitling velah an luangkhawm tam ta, chuvangin, eng natna hrik ber nge? hriat nilo mahse khawţhalo, awmna, khawsik a len duh hunlai a ni a. A bikin veng mawng lam - Tuikual, Dinthar, Armed Veng, Bethlehem, Ramhlun etc. te an risk a sang bik. 
Chuvangin, tun ang hunlai chho hi chuan tuikhur tui leh tui in tur pangngai reng reng chu chhuan so a, dahvawh in tur a ni. Tin, hliam leh pem nei chunga tuihawk leh tuitlingte khawih loh a ţha. Tetanus a lut hma bik a, natna tam tak siamtu Septicemia neih a awl em em bawk a. Natna benvawn ruhseh, asthma leh kawngnate pawh a zual vek hunlai a ni a, tuar zo lova thihna pawh a tam hunlai a ni tih hriat tur. Inven hi a him ber a, tui luankawrte kawt leh a vel i tifai dawn a nih chuan kutkawr bun theih hram a ţha. Tunah pawh tetanus vei enkawl lai kan nei a, thil hlauhawm tak a ni.
Tin, tun ang hunlai chuan thil engpawh bal deuh nia i hriat i khawih chuan kut sil nghal zel ang che. Kut sil hi ram changkang chuan an uar em em a, an hrisel phah reng a ni. Hnatlannaah te thil bawlhhlawh kan haiin kan dahsawn vak vak a. Kut kan hru thuak thuak a, kuhva kan han eizui leh maite hi thil pawi tak a ni. Kan pum nuamlo tam ber hi chu kut sil kan peih lo leh sil tlem lutuk vang a ni ber e.- Dr Thangchungnunga, MS (Ortho)
HOHO!!! Cephas a te veng Dinthar ah chuan awm i la kawthalo ka kai tawh hrim hrim
Kut sil leh tui chhuang so lai thlalak hi Admin hian hemi pual liau liauva a va lak a ni lo maw? Article hi a tha hle mai
Mahse, tui chhuan tur hi supply a tlem em2 a, tin a chhuanna tur LPG lah hi sawi tam angai awm lo e.
Tunlaia water filters viz.. Bio-pure, Rs sing chuang fe man ho hi chhuanso lohvin a him tho em? an fak nasa mai si a tih hian min tibuai hle mai.
Rs. sing chuang ni sia lawm.
Keichu ka duh leuh... kan immune system a ti hniam mai mai... duh lo lo kawthrlo vel mai mai ang hmiang... vai thingpui dawr a tui an chhawp poh in theih vek tum tur
Tunlai chu hei hi mitinin kan hriat tlan a tha ngot mai, a bikin naupang bikah pawh, kawthalo an tam ltk khop mai a buaithlak ani