YMA leh Ruihhlo!

Tunhnaia CYMA Commitee sang (CEC) chuan kan ram tih chhetu lian tak Ruihhlo Dona kawngah Sorkhar puih an rel a. Thil lawmawm tak a ni. Kan hriat theuh angin YMA chuan kum 4 chhung zet Ruihhlo do beihpui a thlak a, Zoram hmel a danglam a, ruihhlo zuar an tawmim a, a ti thin ten an sim a, nu leh pa - fate avanga lungngai leh rum thin ten hlimni hmel an lo hmu a, chhungkua an damtlang, kum naupang tak tak boral an tlem phah a nih kha.
Hetih mek laiin duhthawh luat leh thahnemngaih luatah member thenkhat ten an daipelh lek lek a, ti ve peih hauh lo ten archuk tuilo hial khawpin YMA an sawisel a, thenkhat laiah chuan YMA hmai pawh a bal hial reng a ni. Mahse hruaitu fel tak tak zarah a nihna ang chu YMA chuan a khum leh thuai tho bawk.

YMA-in ruihhlo do a bansan a, a mak a makin ruihlo a hluar leh nghal a, addict an pung leh a, tunlai phei chuan zahpah nei mang lo hial khawpin an zuar a, an hmang leh ta a ni. Hengho inlarna hmunpui chu tunhma ang bawkin Dawrpui vengchhung a ni leh a, mit tikham khawpin Ruihhlo ngai leh zuar ten kan veng an ti tawp leh mek a ni. Hei hi kan enliam mai mai tur a ni lovang. Kan khawtlang leh kan veng hi kan hmangaih a, kan tu leh fate an nunkhua zel tur kan hmangaih a nih chuan i he lova Ruihhlo DO TURA kan za vaia kan thawhchhuah a ngai ta a nih hi!