John Lalrinawma kan chan ta
06 June, 2010
7
comments
Tv. John Lalrinawma (Te-a) hi Upa Lalbiaktluanga leh Pi Lalthlamuani te fa tlum ber ni turin kum 1982 September ni 4 khan Civil Hospital, Aizawlah a lo piang a, unau 4 niin mipa 3 leh hmeichhia 1 an ni. Mikhual leh mi chanhaite an inchhung khura an chuankai chang pawhin biak that tawk loh leh aw ki sang hman a phal ngai lova, eng emaw tal thilpek tur a lo ngaihtuah ruai thin. Amah hi mi thilphal tak a ni a, a thil neih tawkah tu tan pawh engmah ui a nei ngai lo. An chhungkua chuan “Inlengte chhawntu” an ti mai thin.Mizoram, a bik takin Aizawl thalaite ruitheih thilin a rawn tihchhiat runpui lai tak kha a tleirawl chhuah lai a ni a. Class-X a zir kumin he harsatna hian amah alo man ve ta a. A taksa pawhin nasa takin a tuar phah hle a ni.
A nun siamthat nan leh Pathian Thu a dawn theih nan tiin Camping hmun hrang hrangah a kal thin a. Chhandamna chungchangah - Lal Isua hi Lal leh Chhandamtuah pawmin tawngtai pawlahte a tang zui ve tawh thin a ni. Amaherawhchu hun lo kal zelah, atan setana thlemna do zawh a har leh fo thin.
A nat dan : Kum 2007 atang khan insawiselna a nei tan a. Damdawiinahte pawh lut fo thinin a chang phei chuan thi leh dam karah a awm tak meuh thin a ni, Lalpan tidamna chang thinin damdawiin a chhuahsan leh thin a ni. Durtlang Damdawi inah May 15, 2010 khan dahluh a ni a. Thisen unit 6 an lo pe a, a thatpui viauin a langa, a chhungte pawh an lawm hle a. Hemi hnu May 22 khan Vaivaenga Hospital (CARE)-ah sawn a ni a, Ultra Sound-a an han en chuan a thin lamah harsatna a lo nei a, a la a tla bawk a, a pumte puarin tui a lo tling bawk a ni.
Hetihlai hian mi thahnemngaiten tawngtaina leh Pathian Thuin an kawm reng a, ama ka ngeiin a Chhandamtu a pawm thu sawiin Lalpa ngaihdamna a dil nghal a, thlamuang taka a kal tur thu - “Tunah chuan Lalpa i hnenah ka lo kal e, nangin min lo pawm ang che” tih thu a sawi chuan thla a timuangin Lalpan a angchhungah a lo pawm ngei ang tih kan ring tlat a ni. June 1, 2010 (Thawhlehni) chawhma dar 10 khan amah hmangaihtu Lalpa Pathian hnenah min lo kalsan ta a ni.
Thlalak thenkhat
A ngaihawm dawn hle mai. U tak tak ang hian min en ve thin asin mawle. Damdawi inah ka tlawh ve hman lo hi chu a pawi ka ti lutuk.
Pa Biaktluanga te chhungkua Pathianin thlamuan zel rawh se.
A khawngaihthlak hle mai, A kalsan tak a Nu leh pa,a unaute leh a chhungte zong2 Pathian awmpuina leh thlamuanna lo chang zel rawh se
Te-a boral hi chu a uihawm khawp mai. Kan inkawm ve chiah lo na in, khawi emaw a inhmuh chang te hian mi hi a be hmasa ngei ngei. Kan 2 hi chuan khawi ah pawh inhmu ila Lerha ti hian kan inko mai thin. Tin, a boral ni hi ka piancham ani chiah lehnghal.
Ka nau Tea thih thu-ah min tuartute zz chungah lomthu sawi kan ba nasa, kan sawi seng vek lo vang, Pathian hmingin lawmthu kan sawi tak meuh a ni e.
A vuinaah khan "Tv. Nunpuia of Aizawl" nen kan lokal ve ngei kha... Tea kan ui khawp mai.. Admin te chhungkua kan tuarpui e
Aizol haha...
Rin loh tak kan ti don nge beisei loh takin net lama thianten min tawrhpui tak tak ani tih an lantir avang khan ka lawm hle.
A thih zan po'n veng mite bakah LK lam leh Ningers (Zawlbuk member-te thahnem tok tak an lo kal, a vuinah poh ka la hmu nual. A ruang thlah zan po'n Vicor, Bj-a leh dada te ka la hmu leh zel. Mi an lo that zia leh mi chunga kan lo that loh zia ka inhmuchhak chiang khop mai. In chungah lawmthu ka sawi non leh e.
*Mhse Admin tih khian kei bakah Admin dang 2 an la awm. Authors 3 nen