Thlanlaih
03 July, 2010
3
comments
Mizote kan inchhuanna ber leh hnamdangte neih ve loh ang hiala kan lo chhal thin Tlawmngaihna lan chhuahna kawng khat chu thlanlaih hi a ni.Aizawl khawpui veng tam takah thlan lai tur kan in hmuzo ta lo nge remchan zawkna kan um ta zawk, thlan lai tura hlawhfa ruai ta mai kan awm nual mai le! Chhan hrang avangin heng vengte hian helam kawng hi an zawh ta mai ni awm tak a ni a, a pawi lai ber erawh chu tlawmngaihna kan tihlanna hmanraw tha ber kha kan chan ta tihna a ni.
Keini Dawrpui veng chuan vawiin thlengin tlangval tlawmngai, an hun chep tak kara thlan lai tura inpe hram hram engemaw zat kan la nei hian Khawtlang a muan a, veng dang lakah pawh hmai uang min la put tir thei hi a ropui a ni. Chutiang bawkin khawhar lumen ngai kan neih te, khawhar ina a tul ang ang buaipuia, thenawm khawvengte tana inpe mi engemaw zat kan la nei thin te hian Dawrpui khawtlang hi a la ti nuam em em reng a ni. Dawrpui thalai ten thlan kan laih hian mi 30 -60 vel lai kan ni thin a, veng tam takin thlan lai tur an in hmuh zawh tawh loh laia heti zat tlawmngai kan la nei hi a khawtlang ang pawh hian i lawm thiam ang u.
Thlan lai hi keini veng lamah poh kan la chhuak tha thei khop mai,a theih chhung chu hlawhfa dang ruailo a,Tlawmngaihna kan tihlanna hmanraw thatak mai hi,chhawm nung zel theih ni se..
Changkanna kan tih hian nasa takin, dim lo takin min run a, kan hnam nunze mawi tak tak kan thlah mek chu anih hi!
Thlanlaih culture inla chhawm nung zel hi in fakawm hle mai. In vengte phei chu inbuai awm hlawm nen!
A bikin tunlai kan thalaite thlanlai tura kan infuih nasat deuh chu a ngai tawh a ni. Tlawmngaih loh vang pawh ni lo a, a nachang leh a tulna ngaihtuah lova lai lo mai mai kan tam ta. A pawimawhna leh kan mizo nun zemawi kan lan chhuah tirna pawimawh tak a ni tih kan inhrilh hriat thar zel a tul khawp mai. Thihna hi tu chungah pawh thleng thei a ni a, kan hun a lo thlen hunah thlan lai tur kan inhmu lo mai ang tih a hlauhawm ta. Tan i la zel teh ang u.