Chhiatna Fund leh Mitthi thing

- Ziakkima Pachuau, Branch YMA Exe CM

Ka thu ziah hi min lo chhiar chhuah sak hram turin Dawrpui News dawngtu zawng zawngte ka ngen che u a, mi rilru tih hliam palh emaw, mi pawi sawi palhte emaw ka nei a nih chuan min lo hrethiam hram ula, ṭhahnemngaihna-ah min lo ngaihsak dawn nia.

Dawrpui Y.M.A. hian kum tinin veng chhung In tinah Chhiatni Fund kan khawn ṭhin a, he Chhiatni Fund hi Y.M.A. hian eng angin nge a hman a, eng tih nan nge a hman ṭhin hrelo tam tak kan awm mai thei a, chiang deuh zawkin han tarlang hmasa ila. 

Chhiatni Fund hi a hmanna pui ber chu Kuang atana thing lei nan a ni. Chu mai bakah chhiat kan tawh apiangin
Bus hire-na a ngai bawk a, lumen ngai an nihin sawhchiar tur sa leina leh a bawllhlo leina a ngai bawk. hengte hi a hmanna tlangpui chu a ni. Kuang tur hi tunhma kha chuan thingzai phek (Fit phek) kan hmang ṭhin a, kum engemaw ti kalta aṭang kha chuan Ply Board hman alo ni ta a, ply board hman anih hnu hian kuang pakhat siam pum nan Rs. 2,500/- vel hman ral zel a ni. Chhiatni Fund hi thingphel pangngai kan hman lai aṭang tawh khan chhung tinah Rs. 200/- khawn ṭhin a ni a, hei hi kan la chhunzawm ta zel a, kan kum ṭhat loh kum a awm changin kan indaih lo ṭhin hle a ni. Tin, veng chhung mi chhiat tawh mai piah lamah hian, ruang thawn chhuah tur hi a kum telin kan ngah chho telh telh mai zel bawk a, veng chhunga kan hman aia tam fe hi thawn chhuah a ni fo ṭhin bawk. Dawrpui Multipurpose Centre kan luah hunah phei chuan, Zoram mipuite hmaa kan intiam ang ngei khan hma kan l^k a ngaih dawn avangin, kumin aṭang hi chuan kuang manah pawh kan insengso nasa zawk ang tih hriat sa a ni.

A chunga tarlan aṭang khian chhiatni fund Rs. 200/- kan khawn ṭhin chu thil man lo sang zelah tih pun ngai leh ṭul tak a ni tih chu kan chiang mai awm e. Y.M.A. Executive Committee chuan ngun taka a ngaihtuah hnuah tih pun mai a rel thlu ta a ni. Veng chhung mipuite pawhin hei hi ngun taka ngaihtuah a, kan hriat thiam a ṭul khawp mai. 

Chhiatni Fund pe theia nung dama kan la awm hi i lawm zawk ang u. He fund kan pek hian Y.M.A. kan ṭanpui a ni lova, kan ti hausa bawk hek lo, ṭanpui ngaite kan ṭanpui a ni zawk. |anpui ngaite ṭanpui theia kan awm hi i lawm ang u. Chhiat tawk/lusun chhungte tan a ni a, kan chhungkaw chungah pawh ala thleng ve vek dawn a, tun maiah a thleng lo a ni thei. A thleng lo anih pawhin hek ta viau-ah inngai duh suh, chhiat tawkte tan malsawmna i ni tihna a ni zawk. Kan chhungkaw chungah a lo thleng ve palh hlauh a nih pawhin, kan thawh aia tam daih Y.M.A. chuan a pelet zawk ṭhin.Tin, Chhiatni Fund leh mitthi thing lo pek mai hi i duhtawk lovang u, ṭhalaite leh nu leh pate, vengah chhiat tawk an awmin, kan hriat veleh a awmhmun aṭanga kutzungpui hmanga “R.I.P.” ringawt hi kan tih tur a ni lo tih i hre thar leh ang u. Ringtute chuan lusunte kan lenpuia kan ṭawiawm hi kan bat a ni ti hre thar leh ila. An neih nun vang emaw, kan chhung hnai deuh an nih vang maia ṭawiawm lovin, chhung hnai pawh neilo leh baihvai zawkte hlei hleiah hian ani chet chhuah ṭulna zawk chu ni. Tin, a let leh beisei vanga thil in p>k hi tlawmngaihna mawng pawp a ni tih hria ila, a nei lo zawk leh harsa zawkte, a let leh tur awm lo zawka kan ṭanpuina aṭang chauh hian a ni malsawmna chu lo thleng ṭhin ni!

Tin, “Mitthi Thing” hi vengin chhiat kan tawh apianga In tina khawn ṭhin a ni. Chhungkaw thenkhat (Tlemte chauh) khawn hun veleh a Ina awm loh ching kan awm a, receipt lo dil tawk kan awm bawk. Chhung tin ten kan hriat tur chu, khawi Section-a awm nge kan nih, tute nge kan Section hruaitute, tute nge mitthi thing rawn khawn ṭhin, etc. heng zawng zawng hi kan hriat a ṭul khawp. Kum tinin Section hruaitu, mitthi thing khawntute leh News semtute hi ruat thar ṭhin an nih avangin hriat kan tum ve a ngai. Mitthi thing khawntute hnena receipt i lo dil chut chut a nih chuan, i awmna section-a mawhphurtute i hre chiang lo hle tihna a ni, inen fiah ang che. Kan awmna section ṭheuha mawhphurtute kan hriat chian a \ulna chu, misual ngampa tak tak an tam tawh >m vang a ni. Y.M.A. hminga thil lo khawn tawk an awm \hin a, i fimkhur tlang zel ang u.