Hmalam hun-Thuruk ril

- Vanhmingliana (Taua)

Kum 1956 vela phuah chhuah hla lar tak mai, Spanish hla Que Sera, Sera kha! Saptawnga a awmzia “Whatever will be, will be” A thunawnah chuan thil hriat thiam har tak maiin “Que Sera, Sera, Whatever will be, will be, the future not ours to see, Que Sera, Sera” a lo ti a. Eng tak lo thleng ang maw! Kan hma lam hun lah chu kan hriat leh hmuh theih a ni hauh si lova” tihna a ni ber awm e.

A dik hle mai ti rawh u! Hma lam hun engm,ah hi kan hre hauh si lova. Chuvang tak chuan mihringte hian kan hma lam hun hriat hi kan chak a, hriat theih dan tur kawng chi hrang hrang kan dap ruai mai zawng anih hi. Kan
duh ang ang lei thei tura sum tam tak neihte kan lungkham em em a. Zirlaite chuan an exam-na an pass dawn em tih te an buaipui a. Mi tam tak buaipui chu a cancer natna lakah a dam thei ang em tih te, nupui pasal la nei lo lahina n duhzawng leh an tan a tha ber tur an lungkham a. Nu leh pa te lahin an fate hmalam hun tur (future) ngaihtuah reng reng in an ngaihtuahna an hmang a. Arsi lam zirna (Astrology) kan tih hian kan hmalam hun min hrilh thei ngut a maw chu?

Sapho pawh hian thu vuvuk hi an ngah ve khawp mai a. “I ding lama mupui a lo thlawh chuan i vannei dawn, tin, i vei lama khawpui a lo rik thut chuan i thi dawn tihna” te an lo ti ve thin a ni awm e. Kum 2009 Pew Research Center Poll a ngaihdan tla ah chuan American mi 4 zela pakhat chuan astrology hi an ring a, tin, kum 2013 Poll Harris Interactive an tih chuan za a 29 chuan an ring ve bawk a ni awm e. Mizote pawh hian, thalaite ngat phei chu kan ‘Horoscope’ hi kan buaipui hle anih hi!

.Kristiante hian hetiang hi buaipui ve chiam tur kan ni em? Keini Mizote hian arsi lam zirna leh chhinchhiahna hi lo buaipui lutuk lo mah ila, khawvel chuan a buaipui tlat a, keini pawh min la hip ve ngei dawn. Astrology lehkhabu hi kum tinin maktaduai 20 an hralh chhuak ziah a. Mi tam ber chuan Star charts leh hrilhlawkna chu an nun a thil thleng dik ber tur ah ngaiin in nghah nan an hmang thlap mai a ni. Astrology - Arsi lam zirna kan tih ah hian Universe zawng zawng innghahna hi he lei hi a ni a, ni leh thla leh planet dangte hian an hel mup mup mai a ni a ti a. Tunlai thiamna leh hriatna ah chuan a dik lo hul hual si a, mahse a hrilhlawknate chu kan la ring tlat mai se le.chuan a dik lo hul hual si a, mahse a hrilhlawknate chu kan la ring tlat mai se le.

A chhan chu Pathian nung awm ringlotute (Pagan religion)atanga lo chhuak a ni a. Hmanlai Babulon puithiamte khan planet te hi pathian anga thil ti thei leh chakna nei ah an ngai a, kan nun te hi kaihruai vekah ngaiinpathian ah an lo biak vang a lo ni reng mai

Kan Bible chuan hetiang hrilhlawkna ang keini Mizote hian arsi lam zirna leh chhinchhiahna hi lo buaipui lutuk lo mah ila, khawvel chuan a buaipui tlat a, keini pawh min la hip ve ngei dawn. Astrology lehkhabu hi kum tinin maktaduai 20 an hralh chhuak ziah a. Mi tam ber chuan Star charts leh hrilhlawkna chu an nun a thil thleng dik ber tur ah ngaiin in nghah nan an hmang thlap mai a ni. Astrology - Arsi lam zirna kan tih ah hian Universe zawng zawng innghahna hi he lei hi a ni a, ni leh thla leh planet dangte hian an hel mup mup mai a ni a ti a. Tunlai thiamna leh hriatna ah chi laka fimkhur turin vaukhanna min lo pe tawh a. Isaia 47:13-14 kan en chuan, “ . . . tunah chuan van semtute, arsi thlirtute, thlakipa thu hrilh lawk tu te chu ding sela, i chunga thil lo la thleng tur te lakah chuan him che rawh se, ngai teh buh pawl ang mai a ni ang; meiin a kang ang . . . Jeremia 10:2-3 te leh Daniela 2 ah te Babulon arsi zir mi ten lal mumang pawh an hrilhfiah theih miah loh zia Siamtu Pathian betu te chauhin a hrilhfiah theih thu a duang bawk.

Hetiang zirtirna kal sual khawvel mi ten kan ngaihven mek lakah te hian inthiarfihlim ila. Sapho keini aia fing leh changkang zawk te pawh tihbuaiin an awm leh an nun hnarkaitu ber a an ngaih takah chuan midang pawh min la kang kai dawn chauh. Milem biakna chi khat a ni. Mi tam tak thlarau sual biakna ah a hruai luh mek laiin keini Kristian te chu Pathian in min chhanhim thei a, chatuan nun min pe tawh a ni tih ring tlatin aikaihthiam leh dawi chi hrang hrang lakah hian i in thiarfihlim ang u.