Ka vei zawng

- Ziakkima Pachuau, Br. YMA Exe Comm

Dawrpui News-ah hian hruaitute ngenna avangin thu eng eng emaw thiam lo tak leh insit takin ka lo ziak ve tawh ṭhin a, hmaichhana fakna \awngkam te kan han dawng ve nawlh nawlh a, a lawmawm ṭhin hle mai. 

Chutih rual erawh chuan sawisel ngai pawh tam tak ka ziak tawhin ka ring a, mi rilru tih nat leh mi ṭhenkhat tana ngaihthlak leh chhiar nuam lo ziah pawh ka nei nual tawhin ka ring a, in mi hriatthiamna ka ngen nawn leh e.

Tun tumah pawh hian hruaitu/chanchinbua mawhphurtute ngenna avangin “Ka vei zawng” \henkhat tlema zawng kan ziak leh rawih mai dawn chu a ni a, in rilrem loh zawngte a awm anih chuan hmaichhanah min hau hrep mai dawn nia.

Chhiat  tawhah : Thihna hi a thleng reng a, ala thleng zel dawn bawk. Mizo kan nih nawmna leh thlamuanthlak em em mai chu chhiat tawhah hian a ni. Vengah chhiat tawk an awmin thlamuantu leh lenpuitu i ni ve ngai em? Nge vengte thlamuanna dawngtu chauh i lo ni zawk! Chhiartute i inzawt theuh teh ang u. A negative zawk hi kan
lo ni hlauh anih chuan, simin rual i pawl ve tawh ang u. Lusunte thlamuantu leh hnemtu ni thei a kan la dam hi i lawm ang u khai, thlamuan ngai, hnem ngaia kan awm hun hi a la thleng ve dawn, chumi hunah chuan kan theih laia kan tih leh tih lohin a hril thui khawp ang.

YMA Branch Executive Committee-ah zan thum chhung hian “Nu leh pa zan” awm se tih rawtna a lut a, member ten ngun taka an sawiho hnuah, kan kal dan pangngai hi ala \ha rih e, tiin pass a ni ta lo. Hei hi YMA member nula leh tlangvalte tan chona lian tak a ni. Eng vanga rawtna lut nge tih kan lo ngaihtuah lo a ni mai thei. A chhan bul ber chu, zan tawp ber zan chauh hi \halai kalkhawm hun emaw ti tlat nula leh tlangval kan tam tak em vang a ni. He rawtna lut vang ringawt pawh hian kan nula leh tlangvalte harh ila, zan thum chhung na na na hi chu kan ta a ni tih i hre thar leh ang u. 

Tin, nu leh pate pawh inzir tur kan ngah hle, kan sawifo tawh \hin a, khawhar In kal tum ngai miah lo nu leh pate kan awm rualin, kal duhna bik nei nu leh pa pawh kan bang chuang lo. Khawhar In hi, a let leh beiseina nei chunga kalna chi a ni lova, fak hlawh beisei chunga kalna chi pawh a ni hek lo. An hausak leh an lansarh bik em avanga kal tur pawh a ni chuang lo. Thihna hi zawng a na em a, mi hausa leh rethei tan pawh a nat dan a dang chuang lo. Kan awmna a\angin a hnai emaw a hla deuh emaw, i ti hram zel teh ang u. Khawhar Ina kal inchhir sawi tur an awm ka la hre lo. Kan \halaite hian a tawp zan bikah phei hi chuan an beisei miahlo che u a nia! Tlaivar tuk zingkara thlaktu tur atan te hian an lo beisei viau che u asin. Zan khatna leh zan hnihna a nu leh pa \hahnem tak han zai dep dep thawm hriat ringawt pawh hian thla a muang ngawih ngawih \hin.

Tin, Lusun chhung ten YMA memberte \awiawmna avanga lawmthu sawi nana YMA a thilpek kan pe \hin hi a lawmawm takzet. Chutih rual erawh chuan memberte hi thilpek beiseia lo kal an ni lova, YMA in a tihtur anih avangin a ti mai zawk a ni. He thil hi intihhmuh lo hram ila, a ti ve theilote lungngaihna kan tih belhchhah sak palh hlauh ange.  

Ruang  chhuak : Veng miin kan chhungkhat hnaite ruang thawn chhuah tur kan la fo \hin a, hei hi YMA pawhin ngaipawimawhin theihtawp chhuaha buaipuiin, kuang a tum sak bakah puanin a tuam bawk \hin. Hei hi chhung tin ten kan hriat reng tur chu, mahni thu a mahni Ina lo la lut nghal ringawt a, lakluh hnu a YMA hnena hriattir ching kan awm \hin. YMA in inkaihhruaina a siamah chuan, a lakluh hmain YMA hruaitute a rawn hmasa anga, rem an tih chuan a lalut chauh tur  ni. Hei hi kan bawhpelh zeuh zeuh tawh a, thihna thil anih avang hian sawisel mai lovin YMA chuan a dawh hram hram \hin. Chuvangin, chhung tin ten YMA in inkaihhruaina a siam hi tun hnuah chuan zawm hram hram i tum tawh ang u.

Pem Lehkha : VC hun lai a\ang tawh khan kan vengah hian Pem Lehkha hi kan ngaipawimawh em em \hin. Chutiang bawkin YMA pawhin ngaipawimawhin Dawrpui News-ah pawh hian vawi tam tak a tarlang tawh. Khawpui hmun laili leh mi chi hrang hrang fuankhawmna hmun veng kan nih avang hian ngaih pawimawh a ngai reng bawk a ni. YMA danah chuan, “In an luah luh hma ngeiin Branch YMA ah Pem Lehkha an thehlut ngei tur a ni” tih a ni a, hei hi kan zawm \halo tlangpui. A chhan ni bera lang chu, In neituin a In luahtu turte an hrilh ṭhin loh vang a ni tlangpui. In luah tur neite pawhin kan veng YMA kalphung hi kan luah tir turte hnenah hrilh hriat hram hram ni thei se.

Tin, kan vengah hian building ṭhenkhat hi veng pawn lam mi ta a awm nual a, heng veng dangmi In rawn neite hian kan veng kalphung hi an hrelo pawh a ni thei a, an hriatthiamawm viau, kan veng mi tal hi chuan zawm i tum hram ang u. 

Tin, veng dang aṭanga In rawn neite pawh hi hrilh hriat chu a \ha khawp mai! Kuminah chuan a harsa deuh tawh mai thei a, YMA member lak pah te, thil khawn pahte hian In neitu hming leh address, phone number list siam nghal ni se. Chumi hnuah, Branch YMA a\angin pem lehkha chungchanga kan kalphung hi chiang taka lehkhaa hriattir \hin nise, kan harsatna hi chu a kiam duak theiin ka ring.