Ni eng (Sunlight)

-  Dr.Thangchungnunga, M.S. (Ortho)

Ni eng ṭhain taksa a em hian Vitamin D kan hmuhna bul pui ber a ni a, kan ei leh in a\ang hi chuan kan mamawh anga tam hmuh a harsa hle.

Hman deuh kha chuan nu-in Vit D a tlakchham vangin naupang natna Richets an tih mai, awm chhan ber kha a ni an ti a. Tunah chuan Vit D tlachham tam ber chu ni eng hnuaia awm ngai mang lo, Office kal, dawr leh lei hnuaia hna thawkte, ni en \hat lohna hmuna awm rengte hi an ni tlangpui a. Naupang aiin puitlingin Vit D kan
mamawh zawk ta mah emaw tih turin tunah chuan buaipui a ni ta.

Vit D hi taksaah a in chh>k khawl ve vak thei lova, nitin a mamawh tawk a hmuh a ngai a ni. Calcium insiam nan a pawimawh em em. Ni eng a\anga ultra violet ray-in kan taksa a rawn em hian awlsam takin vitamin D a insiam mai a, zing nilum ai  te, ni eng hnuaia hnathawh te kan uar a ngai hle tih a lang chiang viau.

Mahse kan hna leh boruakin a zir miau si loh chuan ni eng hmu mang loa awm nilen a awm fo \hin. Hemi hria hian Vit D tui, mum, hmuam ral theih leh capsule, nitina ei theih, kar khat dan, thla khat dan a ei theihte pawhin damdawi company ho chuan an siam ta \uk \uk mai. Ei tam lutuk awm ve thei a ni a, awmze neia ei tur, doctor-te z^wt mai la a \ha. Ei ve ka ngai em? ni eng ka taksain a dawng meuh em? tih te in ngaihtuah ve tur. Ni eng kan tih hian, khaw eng hi ni lovin, a ni engin min chhun ngei em tih a pawimawh a ni. Chuvangin, ni engah nitin minute 20 vel tal i lo tei kual ve |hin dawn nia.