Zun kawng (Tuihâwk luankawr)

-  Dr.Thangchungnunga, M.S. (Ortho)

Hmanlai deuh aṭang tawhin tun hun thlengin, zun kawng hnai la, thia zung, zun-in, zun zawnga serh thip, kan la ngah reng mai hi, a basic principle kan hriat loh vang a ni berin ka hria. Kan kal (Kidney) aṭanga kan serh hmawr thleng hi tui hawk luankawr a ni mai a. Kan thil ei hi pumpuiin a lo chawkkawi a, ril lamah mahni duhzawng thlang turin, thin (Liver) in fel takin a lo thliar hrang vek ṭhin a ni.

Hetia a lo ṭhen fela taksa hnathawktu hrang hrangin an duh an hman zawhah, hman tlakloh paih tur an thliar leh a. Ruai kan ṭheh a, tuiril lam chi zawng zawng tinah kan dah hrang a. A hrawmhraw, plastic leh hnah, disposable
no leh thleng, bur hranah kan dah leh a, a tui lam chi chu tui hawk luan kawrah kan leih bua a, a luang ral mai a. A hrawmhraw ho chu an tum tel a, muang changin motor-in paihna tur khamah emaw khuarah emaw kan paih ta ṭhin a ni. 

Hetiang chiah hian, kan thil eia tuiril lam hman tlak loh ho kha, a \ha te pawh a lo la awm in a chhe chiang sa thliarna, chhihri, thingpuife thlitna ang hi a la awm cheu a, (Glomerulus filtration kan ti a) Hei hi kal chhunga awm a ni a, heta kal  tlang tawh ho hi chu hman tlak loh hul hual an ni tawh a. Tui hawk luan kawr, kal a\anga phingah an luang lut a, englai pawha kan zun reng loh nan, Pathianin zun chhuah hun sawi tur (trigone) a thlen hma chu a tlingkhawm a, a thlen veleh zun a chhuak a, phing a\angin sazu hmawrah a rawn chhuak ta a ni. Ek pawh tai chungah hian a bawm bik >k dahkhawmna (rectum) a awm a, a khah tawk hnuah >k a chhuak a, fai takin an nawr chhuak leh mai \hin a ni.

Kuhva leh sikret, nepnawi zawrhna dawr bula tuihawk luankawr hi han en la, Kuhva tui leh sikret bung, khak chil, chitin a awm luai a. Tui \in khat in han leih la, a fai hlarh ang a, darkar khat hnuah va en leh la, a hma ang thoa bal zetin a lo awm leh tho ang. Englai pawhin tui kha luang se a fai reng tur a ni.

Hetiang chiah hian kan taksa duh tawh loh tuiril ho kha, tui tam tak nen a chawh pawlh loh chuan, zun a sen rum a, bawlhhlawh mai bakah natna hrik t^n inthlahpunna hmun rem tak a lo ni a, phing a lung (stone) in siamna \ha tak a lo ni thei a, phing \halo hrang hrang leh kal a\anga lo chhuak pawh tui a tam t^wk loh chuan a chhihri hnuai lawk a\angin a thang leh bal kha a pangah a bet a, lung (stone), natna hrik te an lo bet ta \hin.

Tui h^wk luan kawr fai reng tur ang khan, tui, thingpuisen hang, chawhmeh tui, ser tui, tui ril lam kan in tam chuan, fai takin bawlhhlawh kha a len thla a, phingah pawh khawn deuh leh ban liai luai awm loin a tling khawm a, zun a chhuah hunah, fim takin kan zung chhuak ta \hin a ni. Tui a tam loh viau phei chuan, gas chi khat ammonia, zun hing rim nam khawpin a awm thei a. Zun a sen rum emaw, a var har loh chuan natna kan nei hma ta a ni. Duhthusam chuan hing lo khawp tura tui in tam tur a ni a, a har em a, fim kar tala zun chhuah turin tui lam tam t^wk kan in a ngai a ni.

I tui hawk luan kawr kha a fai em? a fai loh chuan zun kawng a hnai-la, zun-in leh thip te  i lo nei mai dawn a ni. Thingpui sen hang in uar ang che, a \hatna sawi sen a ni lo.