EVM HRIATCHIAN A THA

Inthlan kan hnaih ta tak zet mai! Naktuk Dec 2, 2008 (Thawhlehni) hian Mizoram Legislative Assembly Member tur kan thlang dawn a ni. Heta pawimawh tak pakhat EVM (Electronic Voting Machine) hi mipui ten kan hriat chian a tha khawp mai.

India ram chhunga Company pahnih Electronic Corporation of India Ltd. leh Bharat Electronic Ltd. te siam a ni a. Kerala State ten an hmang hmasa a ni. Mizoram hian kum 2003 inthlanpui khan kan lo hmang ve tawh bawk. Tun tum inthlan ah hian Electronic Corporation of India Ltd. siam hi kan hmang dawn a ni.

EVM-ah hian khawl hlawm (Hardware) 2 a awm a, chu chu Control Unit (CU) leh Ballot Unit (BU) an ti. Mipuite thlakna tur ber chu BU hi a ni. Mi pakhatin vawi khat bak vote a thlak theih loh a, a rual chiah a hmeh pawhin hmeh nat zawk hret zawk kha kha a lang ngei ngei ang. Tin, kan vote zo a ni tih lantir nan CU zawk hi a kiu ngei ngei tur a ni. A kiu loh chuan hmeh that leh mai tur a ni. Hmet nawn fo mah ila vawikhat hmeh bak kha a record chuang lo bawk. Vote thlaktu in a thlak ngei a nih tih a fiah duh chuan a hmeh rualin BU a thil eng hring a thih leh thih loh a en mai thei , a thih hmak chuan vote a thlak ngei tihna a ni.

Fimkhur leh uluk takin vote thlak ila, kan duhna ngeia vote thlak hi kan dikna leh kan chanvo a ni e.