PU HAUTAWNA KAN CHAN TA (K-66)

December ni 1 (Thawhtanni) chhun dar 12:00 khan Pu Hautawna kum 66 Babu Tlang, Jail Veng (Engineer's Club), Pi Lalnunmawii (Pu Romankima nupui) pa chu a boral a. Lumen pui niin a tuk ni 2 Dec. khan Dawrpui Thlanmualah vuiliam ani.
A chanchin :
Pu Hautawna hi kum 1942 khan Lungpho khuaah Pu Thangluaia (Salbawnga) leh Pi Manchhungi (tunah Zotlang, Aizawl ah awm) te fa 7-na ni turin alo piang a. Unau rual tak niin 12 an ni
A natna dan :
Kum 2008 khan Serchhip atangin a natna avangin Aizawl-ah lak thlak a ni a. Hemi tum hian Pumpui na a ni tih hriatchhuah a ni a. He a natna hi uluk taka enkawl dam a niin insawiselna em em nei hran lovin hun a hmang chho a. Kumin 2008 September thla khan a natna hi lo chhuak lehin Civil Hospital, Aizawl-ah dahluh a ni a. Hemi tum hian Lung (Heart) natna a nei tih hmuhchhuah a ni a. Damdawi in atanga chhuahpui a nih hnuah in lamah enkawl a ni a, that lam a pan theih meuh loh avangin Civil Hospital-ah bawk dahluh leh a ni a. Hemi tum hian a Mit (gall bladder) -a lungte awm hmuh leh a ni a. Zai tura ruahman a nih laiin a Lung natna avangin an zai ngam mai lova. Kar thum chhung zet Doctor leh Nurse ten uluk tak leh duat taka an enkawl hnuah Nov 28, 2008 (Zirtawpni) khan Damdawi in atangin chhuahpui a ni a. In lamah hian uluk taka enkawl a ni a. Amah pawh a tha viau a, tukthuan pawh a ei a, chhun dar 12:15 Dec 1, 2008 (Thawhtanni) khan min lo peih loh san ta thut a ni.