Pu Vanlalsanga (kum 42) kan chan ta

Pu Vanlalsanga, Kum-42 chuan a nupui leh fa 2 a kalsan a, amah hi mi tawngtlem, zaidam tak a ni a, mi taima leh mi pawisawi pawh hlau tak mi a ni.

Amah hi kum 2001-ah Dawrpuiah rawn pemin mi in luahin a khawsa ve naw naw a, eizawnna kawngah a rem rem thawkin chhungkua a enkawl ve ani.

A NAT DAN : Cancer natna hi January, 2009 khan a vei a ni tih hriat chhuah ani a, Chemo khai nghal a ni, thisen pek a ngaih hial tak avangin Nazareth Hospital-ah admit nghal a ni a. Damdawiin-a thawk Doctor leh Nurse ten theihtawp chhuahin a nun chhan nan an thawk nghal char char a. A Blood Group hi B-Negative a ni tih hriat anih hnuah zawn nghal a ni a, nasa taka zawn anih hnuah pawh hmuh chhun te chu BP sang an lo nih zel avangin pe hman ta lo in Dt. 4th March, 2009 (Nilaini) Zing 1:45 khan Chatuan ram min lo pansan ta a ni.

(Pu Vanlalsanga hi Pu Vanthangpuia nau niin Dawrpui West-a Pu R. Lianchhawnate in luaha khawsa mek a ni a. Hemi ni vek chawhnu dar 1:00 khan Dawrpui thlanmualah vui liam a ni.)