Tonsil

Tonsil hi mizote hian hming hran kan nei lova, mizo tawngah kan hmang mai ni ta berin ka hria a, kan hman dan erawh a mak riau. ‘Ka Tonsil a / Tonsil ka nei a’ kan ti thin a. Kan sawi tum tak chu kan ‘Tonsil a na’ tih hi a ni.

Kan hrethiam vek a, a tha e. Mahse hriat ve mai maiah, Tonsil neilo a piang kan awm lova, pian tirha taksa vengtu pawimawh tak, rei vak lo kum khat vel hnuah chuan thil tul lem lo, natna siam nan a, natna hrik hovin In ruak lo awm reng chu an rawn hmang ve vat a, Tonsil-ah chuan an inthlah pung a, a lo vung a, lehlam lehlam a nat phei chuan hrawk a ping thei lek lek thin. Mahse, Tonsil a nat hian mi thenkhatah chuan taksa huat deuh mai Antigen a siam chhuak a, taksa nen an han innawr dun a, Antibody taksa-ah chuan a lo chhuak a, he Antibody hian lung (Heart) a valves (Thisen luang let tur vengtu) chu a ei chhia a, thisen tam tak lungin a pump chhuah kha a luang let leh a, hei vang hian hetiang a lo awm hian ruh chuktuah -khup, kiu, ngalah te a lo na a.

Naupang te e ti lovin ruhseh vung lung mai insawn kual, vawiin a khup dinglam a na, a tuka vei lama na leh, khua a sik bawk a, hetiang ho hi Rheumatic heart Diseases kan ti a, ‘Lung na avanga ruh na’ tihna a ni ber. Ruh na hi chu engmah a ni lova, lung a thisen luang let kha a pawi ber zawk chu a ni. A zual zel loh nan Penicillin (Penidure) a kan chiuna chhan pawh natna hrik dang an luh belh loh nana vengtu tur a ni. Hetiang hi chu naupang te te an ni thin puitlingah a awm thar thei lo. I fa a nguai, mut chhuah reng emaw, hah hma em em, lungphu rang lutuk te a nih chuan Doctor check tir vat ang che.

St. Pauls School naupang pawl VII a nih laia muthlu reng mai an zirtirtu ten dawhkana dinga an hrem fo pakhat chu, a lung a lo pawp a, a thluakah Oxygen a lut tha tawk lova a muthlu thin a lo ni. A pawp an hnawh hnu chuan a mut chhuak pawh a reh ta a ni. I fa a harh peih loh a, a nguai, a mu deuh reng a nih chuan ngaihtuah vat ang che. Naupang chu an ninhlei tur a ni. An ninhlei peih loh chiah chuan i buai viau ang. Fa ninhlei thei i neih chuan lawm hle rawh.