Dawrpui YMA RISING DAY 29-na

Dawrpui Branch Y.M.A. Rising Day Vawi 29-na chu a Lawmna  hrang hrang (Sports) neih anih hnuah Zirtawp zan (6th Oct) khan a Lawmna ropui ber Dawrpui School Hall-ah function leh intihhlimna neih ani a, khawtlang mipuiten kan hlut thiam a, mipui tam tak hall-a lenglo khawp kan thawkchhuak kha a lawmawm hle a ni. 

Rising Day a hlawhtlin nana Sub Committee hrang hrangte inpekna leh tlawmngaihna avangin kan Rising Day pawh engkim \ha takin kan lawm chho thei zel a, phutlet nei miah lova khawtlang tana an inpekna kha ava ropui em! Kan ril\am hlauva ei tur tuihnai tak minlo siamsak \hintuten hah pawh sawi lova phur taka kil khata an tihturte an lo ti mawlh mawlh maite khan YMA nih a va ti nuam em!

Decoration Sub Committee-ten zan rei tak tak thlengin Stage leh a vel an chei kha tam tak chuan kan hriatpui lo maithei, Rising Day kan hman nawm loh an hlauh vang a ni, an inpekna kha ava thuk tak em!

Section tin Band-te hun chep tak karah hla te zirin an chanvo hneh takin an rawn ti hlawhtling thei vek a, Branch
Exe. Committee-in chanvo hrang hrang a pekten phur takin an ti hlawhtling thei vek leh a bik takin Cultural Sub. Committee-te pawh hun chep tak karah lam thiam takin an rawn entir thei leh YMA Zaipawl ropui tak kan lo nei reng maite kha member-te an chhuanawm hle a ni.

Tin, kan sawi hmaih hauh loh turte chu Rising Day lawmna hrang hranga Official Cameramen atan ruatte - Pu Malsawmdawngliana (Nanoa) leh Tv. Lalchhuanliana (Tetea), Ch. Section te bakah Tv. Malsawmkima, V. Sect leh Video-a kan function min cover saktura kan ngen Tv. Jonathan Lalrinfela, T. Sect te chungah Branch YMA-in lawmthu a sawi a, an camera neihte ui miah lova khawtlang tana an rawn thawhchhuahpui \hin avangin kan lawm hle a ni.

Function neih zana kan hruaitu hluite leh Local Council member baka vengchhunga NGO hrang hrang OB-te kan sawmna ngaipawimawh in hun hlu tak senga phur taka min rawn telpuitute zawng zawng leh naupang a\anga nuvalai/pavalai phur tak maia Mizo thuam nena rawn thawkchhuak zawng zawngte chungah lawmthu kan sawi tak meuh bawk a ni.

Lawmthu sawina tur tam tak a la awm ang, kan sawi seng lo! A tawp berah chuan kum 29 min hruai thlengtu Pathian hnenah lawmthu awm rawh se.

Rising Day hman dan tlangpui

 i) Grace Home, Durtlangah puan pek a ni

 ii) Sports \um thum (Field event & Basketball) neih a ni.

 iii) Civil Hospital-a damlo harsa zual mi 15-te hnenah Rs. 20,000 sem ral a ni.

 iv) Referral Hospital, Falkawnah Rs. 10,000

C. Lalrinpuia

Secretary, Rising Day Org. Comm.