Kristian i ni ve em?

- Vanhmingliana (Taua)

“Setana’n buh thlei anga a thlei theihna tur che u in, nangni ho hi a dil che u asin;

nimahsela I rin a bo loh nan ka ṭawngṭaisak che a ni”  (Luka 22:31,32)

Petera, khawngaih thlak tak leh tar tawh tak hi tu emaw takin an ṭawngṭaisak a ngai rêng a ni. A chak viau emaw a intih laiin a chaû hle si a. Tân ina kal a, Isua Krista tana thih pawh kha a huam a ni a. Nimahsela, vawi thum lai a phatsan leh si anih kha. A chang chuan kan nihna leh kan nihna kan  inhriat dan leh midang ten eng ang mi nge kan nih an hriat dan hi a inang lo hle ṭhin. Vawi khat chu Pastor pakhat hian Baptisma class-a hmeichhe naupang kum 12 mi chu zawhna a zawt a, “I nu leh pa te Kristian an ni em?” tiin. “An nih ka ring lo. Milem chhuahnaah an kal a, thawnthu bu an chhiar a; an inhnialin an inhau reng ṭhin a, chhungkaw worship pawh kan nei ngai lo” a ti a. Pastor chuan biak ina an inkhawm a hmuh thu a hrilh a. Hmeichhe naupang chuan, “Aw a dik ang, Kohhran member an ni a!” a ti a. 

Rinhlelh rual loh vin a nu leh pa te chuan Kristian an inti ngei ang, nimahsela an fanu chuan ‘Kristian an ni lo’ niin a ngai. Tunge dik zawk a I rin? Petera ang deuh hi an va ni awm ve. Puithiam Lalber kawtah khan  mipuite
chuan vawi thum lai an lo chhiar tawh a. A hmasa berah chuan Petera chu Kristian a ang a, a fai vung mai a, mei a zu lo va, zû pawh a in hek lo. A danglam khawp mai. “Kristian I ni lawm ni?” tiin chhiahhlawh nula chuan a zawt a. Petera chuan a nih loh thu a lo hrilh a. Petera’n a beng a sahthlak chhung te an lo kal hnai a, Isua bula Petera awm \hin chu an lo hmu tawh a. Hei hi vawi hnih an chhiarna a ni. “Kristian I ni ngei ang, hmanah khan a bulah ka hmu che a lawm” an ti a. “Ka ni lo”, Petera chuan a ti a. Midang an lo kal ve leh a, vawi thum chhiarna chu. “Nang hi Kristian I ni ngei mai, I \awng danah” an ti leh a. Petera chuan anchhia a lawh a, “Amah chu ka hre lo ve” a ti leh a. Petera chu Kristian an ti a, mahse Kristian a nih loh thu a sawi a. Tunge dik zawk ta ang le?

Marka 3:14 kan en chuan Petera chu rawngbawltu nemngheh a ni tih I hmu ang. Luka 10:17-23 kan chhiar chuan, Petera chu Van a hming ziah zinga tel, Isuan a sawi kha a ni thei tih I hmu ang. Petera chuan Isua Krista chu kum thum leh a chanve lai a lo zui tawh a ni. Petera chu Kristian –Isua Krista zuitu chu a ni ngei mai, nimahsela phatsantu a ni. Thil a tisual a, a mamawh ber chu simna a ni. Lungchhir \ap zawih zawihin pachang meuhin a sualna a inhmuchhuaka, a sim hlen ta hmak mai a ni. Chuta \ang zet chuan Kristian tak tak chu a lo ni ta.

Kristian angin midangin min hmu em? Kristian dang te nen biak inah kan inkhawm ve tho \hin em? Kristian angin kan \awng em? Kristian niin kan inngai em? Nangmahin Kristian anga I inngaihdan ni lovin midang te ngaihdan hriat tum ang che. Chu chu thlir dan dik ber a ni zawk ang. Tichuan, sim tur tlem a zawng I neih te I in hmufiah thei mahna!