EI THA

Mizote hian pa ei tha ni-a kan inteh fona thin kha, sa ei, sa hmeh a ni a. Tun hmate phei chuan Krismas leh Kumthar bak duhtawka sa ei hun kan nei ngai lova, Chawlhni zinga sa hmeh kan in tihhmuh leh a. Fiamthua 'Nilai zingah sa an hmeh a, an eikham chu inkhawm tumin an inchei sap sap e', an tih te kha thil tak tak pawh a ni reng a. Tunah chuan khawpuiah kan awm a, sa te leh thil dang reng reng chu chaw ei apianga tel tura ngaih a lo ni ta hial a, kan thil ei hi uluk deuh a hun ta hle in ka hria.
Sa hmeh hi ei tha pawh a ni lo tih kan hre vek tawh a, ei tha (Chaw tha) chu sa vak vak lam a ni lo, Balance (intluk tawk) Diet hi chaw tha chu a ni. Mawl te in Carbohydrate, Proteins, Vitamin leh Mineral a awm kim tur a ni.
Chaw kan ei hian Rice hi Carbohydrate leh Protein awm tawk tea ngaih a ni a, thlai a awm ang ang kan ei tel anga, a theih chin thil bul bawk, hel ei chi emaw ei tel tum hram a tha. Hmawmsawm ei tam hian chaw ei a ti tui lova, ei loh hram hram a tha. Vaihlo zu nasa ngat phei chu pa thau tak i hmu mang mang lovang. Chuvangin rethei leh hausa tan chaw tha ei a harsa lo, chi kim se a tawk mai. Chaw tha thlai rah, thil bul etc. tlem tal rethei mah la ei tel ve thin ang che.