Boruak Thianghlim
23 August, 2009
7
comments
PATHIAN THILTHLAWNPEK LIAU LIAU- BORUAK THIANGHLIM
- Vanhmingliana
“Tin, Lalpa Pathianin leia vaivutin mihring a siam a, a hnarah chuan nunna thaw a thawlut a. Tichuan mihring chu minung a lo ni ta a. (Gen. 2:7) “ Heta tang chiah hian mihring a nunna chu a lo awm tan a, vawiin ni thlengin chu chu nungdama la awmte chuan kan la ring ta zel a ni.“Vaivut chu a awm angin leiah a chang leh a, Thlarau chu a petu Pathian hnenah a kir leh a ni (Thuhriltu 12:7)”. Hei hian kan thih hnua kan thlarau awm dan tur chu mawltein a sawifiah leh mai. Kan chungchang tur chu vana rawng min bawlsak mektu leh sawipuitu Krista kuta awm a ni a. Pa- Pathian nen an ngaihtuah zawh hunah Ama mite lam tura a lo kal hunah Kel leh Beramte chu a rawn thliar fel vek mai ang-.... “ Puithiam Lalber, vanah te khian Ropuibera Lalthutphah ding lama han thua Hmun Thianghlim leh biakbuk tak tak mihring sak ni lo, Lalpa sak zawka rawngbawltu chu kan nei tih hi (Hebrai 8:1-2)”.
Engkim mai hi thlarau deuh ruai vek a ngaituahna hian kan rilru ngaituahna a tibuai thin, kan Pathian thu chuan fel nalh, tawite hian a sawi mai zawk a ni. Aw khaih a! ka sawi tum tak pawh ka kal pênsan dawn a lawm maw le, min lo hrethiam hram teh u!
Kan sawi tak ang khan taksa tana pawimawh ber chu Boruak Thianghlim a ni, Nunna thu a nih pawh kan Bible chang rawn tarlante khan min hriattir tawh bawk. Boruak (Air) ah hian Nitrogen 78%, Oxygen 21%, Carbon dioxide 0.03% a awm. A tawi zawngin, hengte hi mihring leh thlaite’n kan thawkluh leh thawkchhuah atangin kan insiam tawn thei bawk.
Boruak Thianghlim tangkainate:
1. Taksa a tithianghlim.
2. Taksa a tichak thar a, hriatna thazam a châwm.
3. Chaw ei a titui.
4. Muttuina a thlen.
Thildang zawng zawng aiin nun nana taksain boruak a mamawhna hi a nasa zawk. Mihring damchen pangngaiah hian kan chuap hian vawi maktaduai 650 vel boruak a pump hman a ni.
Boruak Thianghlim neih theih dan:
1. Zing hmun fianrialah emaw motor khu awm lohna- daiahte pawh kal a, theih tawp a boruak thianghlim hip luh. Vawi li tal hipluh zawnga chhiar hman tur; boruak hip luhsa chu theih hram chuan chuapa a luh theihna turin lem hram tur, chumi hnuah kâ in thawchhuak leh ang che.
Nilenga kan boruak hip luh hi kan lung, thisen kal vel leh kan chuapin a kham loh avangin tam tak hip luh belh a ngai.
2. Din dan thut dan uluk tur. Din ngil a thut ngil bawk tur. Hnunglama i koki tipheiin tihniam leh la, hei hian pumpui leh chuap daidangtu duar (daiphram) thawl takin a chettir ang. (Courtesy: Dr. Mary Ann Mc Neilus ).
3. Ring taka lehkha chhiar hian a nih tur ang takin miin boruak a thawchhuak.
Boruak Thianghlim Malsawmna:
1. A thlawna Pathian malsawmna kan dawn hi ren miahlo a hip luh tur. I damlohin boruak (Oxygen) man engzatnge i sen thin? I damchhung atana Lalpan a thlawna a buatsaihsak che avangin A hnenah lawmthu sawi fo thin rawh.
2. Boruak thianghlim kan sawi ruala hriatreng tur chu, boruak ngai leh ngai hip luh hlaawmzia hi a ni. Tukverh leh boruak tha luh theihna tura kawngka hawn thinte hi thil pawimawh, mut hlum mai theihna laka min chhanchhuak theitu a ni.
Pathian thilthlawnpek boruak thianghlim hi kan hrisel leh damrei nan i hmang tangkai ang u.
Pic hi Boruak Thianghlim intlansiak lai lem ami??? :)
Lalruat Pop-Corn an tih keini Mizo tlangval duhlian tawng hmang chan Puakzo kan tih kha a lawm....tin hapui pawh a an hi mawle
hehe... swine flu topic dawt chiaha boruak thianghlim tih topic han post leh chu rilru a ti hahdam duh khawp mai :-)
ka'n chhiar cianga tha ka ti hle mai, a zaiktu hi hriselna ngaipoimoh tak leh pa invawng fel tak a ni bok a, a fakawm ngei mai
Hrisel loh man hi a to em mai!! A sawi ang khian zawm theih vek a thra ngawt ang. Boruak ngai leh ngai hip luh hlaawmzia pawh hi kan hriat thar a trul reng ani....
@illusionaire. I sawi dik chet2 lutuk, ilo leng thina min ti phuisui riau ania.
tunlai kan khawsak dan han en hian. kawng khatah chuan hmasawn chak hle mah ila,heti lamah boruak chhia ti tam tu a lo ni ve zel bawksi a, hmasawn na hi chu kan ti tawp thei dawn lo va, chuvangin mitin te hi "sustainable development" lamah hian in zirtir nasa tawh zawk ila, tunah kan natural resources te hi hetia kan hmang huau2 a nih chuan kan tu leh fate ho chuan chan ve a loi an nei lo mai thei.
Eco-friendly lam hi mitin te hian ngaihven tawh i la,polythene 1 hal in kan boruak hip a tih bawlhhlawh theih zia te hi i in hrilh cham chi fo tawh ang u.
Thing leh mau te kan sam tlu vak vak a, boruak tha min petu an nih mek lai in, ngilneihna nei miah lo vin kan tlagram/ramngaw te kan ti chereu tan a, Photosynthesis a kal tha thei tawh lo..chu chuan mihring te taksa ah harsat min siam tial2 ta anih hi..
Khawvel thang chho zel hian chuan kan boruak hi a ti chhe telh2 dawn chu a ni sia awwwwwwww.