Tv. Chawngthanzama kan then ta
16 August, 2009
11
comments
Tv. Chawngthanzama (30) S/o Lalhmingliana, Vanapa Section chu Aug. 14, 2009 (Zirtawpni) a Vanapa Section Picnic-na a kal chu vanduaithlak takin tlai lam dar 4:30 vel khan tuiah a chesual hlauh mai a, minute 15 hnu velah lachhuakin YMA memberten theih tawp chhuaha a nunna chhan tuma an beih hnuah an chhan thei ta lo a ni. He mi zan hian Member-ten tlaivar puiin, a tuk Inrinni khan Dawrpui thlanmualah vuiliam a ni.Pian kum : 10 February, 1979
Unau : 7 an ni a, unau in hmangaih thei leh in duhsak tak an ni.
- Dr. Chawnglungmuana h/o F. Lalmuanpuii
- Chawngdingliana
- Chawngthansangi w/o Zothanpuia
- Chawngthanzama (Tuna kan then tak)
- Chawngthanpuii
- Chawngremsanga
- Chawngdinpuii
Zirna Lam : Lehkha thiam theih loh vang ni lovin, harsatna eng eng emaw avangin, a zir sang lova. Class - XII thleng a zir a ni.
A hnathawh : Secretary, Trade and Commerce, Personal Branch-ah M.R. - in L.D.C. hna a boral ni thleng hian a thawk.
A mizia : Chawngthanzama hi naupang duhawm leh harh vang tak niin, a lo thang lian chho ve zel a. Mi inthlahrung thei tak, thian ngaina leh ngai pawimawh mi tak a ni. Mi tawngtlem, hawihhawm leh aia upa zah thiam tak a ni bawk. Amah hi khawtlang leh in thenawm khaw vennaah tlawmngaih chhuah a, tha thawh a tulna apianga theih tawp chhuah thin a ni. Zamtea hi zai nuam ti mi leh music ngaina mi tak a ni a. Thian ho zingah leh group ang te pawhin a lo zai ve tawh thin a ni.
Thlalak tam zawk en duh tan HETAH.
A Poi hle mai...khawhar chhungte kan tawrhpui takzet,Khawhar chhungte Pathianin veng zel rawh se.
Didinga te unau kan tawngtai na ah kan hre reng bawk che u.
Ka ui ve khawp mai.
ka ui khawp mai...
muang in chawl rawh aw
awih a va han har tak em !!!!!!!!!!!!!mumang ni zawk se!!
Zama, awih ava har ve!! I zinkawng i zawh zo tawh bik si a...thlamuangin lo chawl hahdam rawh..Kan tum vanramah kan intawh leh ngei ka beisei.
Peace may you rest in Peace.
A va pawi ve.Dr.Chawnglungmuana chu ka hria alom.Pathianin a chhungte awmpuiin thlamuan zel rawh se
A va mak em! I nat chuan ka riahpui i duh thin a, i bula awma enkawl che ka la inhuam asin! Ka zin hlana thil thleng atan chuan a ka va duhlo tak em. "Van Angel te chuan an thla khawngin lo lawm che se la, Pa angchhungah chuan muang ten chawl nang che, Zamte Mangtha"
Ka bike ka dah zawhah, Fairland bula titi pui tur i awm tawh dawn si lova, ka haw tlang nawl nawl tawh thin a, khua a har duh hle mai Zama, tin, i rilru that zia leh kawm i nawm zia te hi hria an tam ang em le, tiraw? Mangtha le
Tell me it was just a dream
August 14 4:30
God closed his eyes
and the World got mean....