MIT (Eye)
28 August, 2009
16
comments
- Dr Thangchungnunga, MS (Ortho)Thil kan hmuh hi kan hmu tak tak lova, kan mit (Cornea) hi darthlalang pangngai ang deuha kum deuh a ni mai a, kan thil en hi a thla a lang a, a hnung lamah hian Nerve (hriatna thazam) tam tak a awm a, chu chuan kan thluakah a thawn phei a, chal vel bawra thluakah hian Hard Disk pakhat a awm a, tah chuan thil a lo dah sa thlalak nen an han en mil a, a mil thei bera an hriat kha a final proof siam turin tukkhum lamah hian hard disk dang alo awm a, tah chuan an thawn phei leh a. He hard disk chhungah hian milem kan thil hmuh tawh zawng zawng mumal takin a lo dah tha thlap a, i thil va en nen khan a mil tur an lo dah chhuak chat mai a. Thingkung a nih chuan thingkung ngei a ni tih an rawn tichiang a, an thawn let leh a thingkung a ni tih i hre ta chauh a ni.
Hetiang a nih avang hian zu ngawl veiin thil an hmu sualte hi a mak lo. Withdrawal Syndrome kan tih mai zu an in loh veleh ramhuai te, rul te, thil mak tak tak an hmu thin. A chhan chu, thisenah zu englai pawha a awm reng avangin thluakin paihchhuah ngaihna a hre tawh si lova, hman tangkai dan a zawng ta ringawt mai a ni.
Entirnan : Hrui feet 3 vela sei hi thluak computer-a a milpui chu 1+1=2 = Hrui ni ta se, zu ngawlveiah chuan 1 + Alcohol + 1 = 2 = Hrui a ni ta thin a. Zu i lakbo thut chuan 1 + 1 = 4 ah a chhuah daih thei ta a, 4 chuan rul (Snake) member a lo ni ta si a, chuvangin thluakin a thawn let leh khan 'rul a ni e' tiin a thawn let leh ta a, rul hmuhin an hmu ta mai a ni. Dawt an sawi bik lo, an hmuh ang chiah an sawi ve mai a ni.
Kan thluak hi Computer lian pui a ni ber mai, tukkhuma invuak pawh a, arsi leng chuai ang kan hmuh pawh hi a khawl a chet dawt vang mai a ni. Chuvangin mit a thil lutte bawlhhlawhte hi nuai nuai lovin tui thianghlimah men a khap vak vak tur. A that loh chuan Doctor pan mai tur a ni. Tlai thim dawn a i mit a fiah lo thin anih chuan (Mitmalh) Vitamin A i tlachham tihna a ni, naupangah a tam bik, chutiang a nih chuan Vitamin A pek mai tur.
I ziak tha e, zu ngawl vei hichu Psychology paper ah khan kan zir chipchiar khawp mai :)
a ziaktu hian hming thup a duh zawk m ni? a ziak tha hle sia...
a bengvarthlak tak tak hle mai a...
A_es tu ziak nge ni, hriat chakawm veee
Ziaka ziak aniang :-)
Mit lam hre mi ziak aniang.
lolzzz @chicco i sawi hi ka pawm e
nih hmel fu mai....
Hard Disc tih khi Hard Disk a ni zawk lo maw???
Ka chal a Hard Disk hi engzat GB nge niang le, tin ka tukhum a mi pawh hi ka van hre mai mai chak. Seagate barracuda nge Western Digital nge Hitachi... tunlai chuan Western Digital hi a lar ber leh thra ber chu a nia, Upgrade mai ka duh tawh. Seagate 40 MB (for windows 2 NT Workgroup) vel a nih chuan upgrade ngei a ngai ang le.
Ka mit a kham hian mit lu na ka nei ziah a, PATA hi SATA ah thlak ve mai ka duh, chuan a rmbps hi a muang ve ta a niang le
@Bj. Ngaidam siam. Edit tawh e.
@chhangte_II. Dr. TC-a ziak tho ania, kan lo dah lo palh a ni e.
Ka mit hi a chhe lutuk a..ka hmai ka phih dawn a ka tarmit ka dah thlak a,ka phih zawhah vuah leh ka tum te hian ka dahna lo hre ta lo ila,ka thinrim thei khop mai..piang nawn leh ila tarmit vuah lo a awm leh hi ka chak...
Tin,a ziaktu hi mit hriselna damdawi min lo zawh teh...tha deuh.
Naupan laia tarmit bun kan chak tlat lai te khan kanlo mawl ngawt mai....
Withdrawal Syndrome kan tih mai zu an in loh veleh ramhuai te, rul te, thil mak tak tak an hmu thin tih hi chu Lalruata tan chuan thil thar ani lem lo :)
A ngaihnawmin a bengvarthlak e. Kum 40 ka pel chhoa ka mit a thaka ni 5 vel a thak tawh. Hei hi ka google-na lamah ka hmu fuh hlauh a ni.