H1N1
25 August, 2009
11
comments
Post hmasaah khan kan sawi nual tawh a, mahse mi thenkhatin hriat duh an la nei nual a, kan sawi nawn leh mai a ni ang chu! Viral Fever (Hritlang reng reng hi) post hmasaa ka ziah tawh ang khuan, 80% hi chu kuta khawih atanga kai a ni kan tih kha, a la danglam chuang lova. H1N1 ah pawh chu chu a hlauhawm ber a nih avangin kut sil ngun a ngai hle.Hmui tuam hi chu a vei leh a enkawltu ten tuam se a tawk. Tin, kawr leh puan velah hian natna hrik engemawzat chu a kai ve a, a hmul leh che reng a nih avang hian thawmhnaw pangngai mutbu atang hi chuan inkaichhawn tham awm lo tura ngaih a ni. Romol erawh chu inkhawih tawm loh tawp tur, a hlauhawm zinga mi a ni. Tin, hmui tuamna hi mi bulah hawn loh tur, paih emaw silfai theihnaah chauh hawn tur. Mi i be dawna i hawng a nih chuan hrik tam tawk inbarh ang a ni mai. Chuvangin hritlang vei mek khawih hnu thil mam leh taksa, a khawih zawh chiah a i khawih chuan i kai nghal a ni mai. (Entirnan : Fridge a hawn zawh chiahah va hawng ve la, i kai nghal a ni mai.) Hmai chhanah kan inzai khum chiam chiam a nih ngawt loh chuan kalpah leh thawk satliahah chuan inkaichhawn a har. Virus hrik hi boruakah darkar 2 atanga darkar 4 a nung thei. Hritlang pangngai kai i hlau lo ang chiah hian H1N1 hi ngai mai rawh. Fimkhur la a tawk, kut fai leh thinlung thianghlim i neih chuan i kai lovang.
- Dr Thangchungnunga, MS (Ortho)
thra leh fu a ni..ka u hi ziak thra thei khop mai..abisaci rawmawl tu man khawih tawm loh tur a ni tih ka han sawitel nghal bawk e...
Nicotine pawh tam tawk tak kan hip lut reng tho vang pawh ni chiah chuang lovin mi hian ka hmeltha lutuk hi an hmu duh thin sia ka tuam lo mai thin.
Engpawh nise bengvar thlak thei hle mai.
Dr. TC-a te ang mithiam kan vengin kan nei hi kan vannei khop mai, H1N1 a bengvar thlak ltk e
hei, kut fai leh thinlung thianghlim tan chuan a hlauhawmlo niawm tak a ni a, 'kut fai'hi chu duh aia tam kan awm mai ang a, thinlung lam hi...kan ngaihtuahawm hlom ang a...
Fai lutuk hi a hlauhawm zawk alawm le, kan immune system a chak lo mai mai zawk te ka lo ti ve mai mai a, kei Third world a chawmhlawm state a tribal rethei tak hian
ngkim maiah hian a lutuk hi chu a lo tha lo vel vek mai a nih hi maww...hmangaihna nghah ltk te poh hian thatlohna a nei ta ve ang
khawvel a sorkar ropui tak2 ten an buaipuia India sorkar ngei pawhin a invenna kawnga hma lak thatloh avangin state thenkhat a khak hial a, Pu TC-a sawi hmangah hi chuan sorkar in a buaipui dan em2hi nuihzat palh mai a awl si hi...
Han kai chhin la i nuihzat hauh lo ang.... :-)
muangchang i tih zia 'thalaite huangah' i chhuah chuai2 mai long maw? :)
AH1N1 nge H1N1 zawk..