Lung na

- Dr.Thangchungnunga, M.S.Ortho

Lungnâ hi, heart attack kan tih chu a ni ber a. A nat dan erawh a in ang lo viau thei. |henkhat chu, kar 2 / 3 chhungin âwm veilam, hnute chung deuhah a na a, ban bul chanve thleng pawn a na thei. A chang chuan a rawn na a, ril deuh ah a na a, a reh leh a, a awm leh a, hetih hunlai hi a enkawl hunlai ber a ni. Hetianga, a rawn nat fo chuan lung doctor pan vat ang che. A chang chuan thil vang tak, awm ve fo si chu, awm dinglam ah a chung a kan sawi ang khian a na ve fo bawk \hin. Heart attack tho a ni a, damdawiin pan vat a \ha.

Hetiang a lo awm chhan hi, kan taksa a thisen dawt hi tui pipe ang tho a ni a, a lo nat nachhan chu a pangah
bawlhhlawh awm emaw, boruak emaw a awm vangin a thisen a kal thei lo a. A thisen kal lohna chin zawng kha oxygen hmu lovin a thi, emaw, a \ha ta lo a. Thisen dawt a pinna hmun azir a ni a, thisen dawt pui, Aorta bul lawk, a in\henna, lung hmalam leh hnunglam chawm tu in\henna laiah  a ping a ping anih chuan lung chanve ti hrawl kha, thisen hmu lovin a awm thut a, a na em em a, thih nghalna pawh a ni fo.

Khi aia nasa lo, thisen luang ve hram hram thei a, a awm hian, a na a, a reh leh a, a na leh a. Chutiang chuan a awm fo \hin. Hetiang heart lo awm hi a dam \ha leh a nih pawhin, a tihrawl kha a lo pan in a chak lo bik \hin.

1977-a kan MBBS zirlai a heart attack thi nghal tawp, an post-mortem ( operation for cause of death ) phei chu, a lung hi a phel phawk mai ani. Kan Professor in hetiang hi in hmu leh zen zen dawn tawh lova, enchiang rawh u, Broken Heart dik tak chu a nih hi a ti a, zai phelphawk ang hi a ni mai.

Kan taksa pumpui a oxygen pe kual a, kan mamawh te te, pe kim tur hian thisen dawt hi a pawimawh hle a, hei ber hi engkim rual taka rem tu a ni. Pipe ang a, thisen luang reng a nih avang hian a bang chhunglam hi bal leh bawlhhlawh a bet ve duh em em a, hei tak hi mipui invenna tur lai tak, pawimawh ber chu a ni. A tam ber chu, cholesterol, bawl / bawk pipe a bet a thlawn vang a tang a tam ber a. A dang chu thisen khal luang kual, a len lohna chin a tang emaw, surgical operation emaw, thil dang vang pawhin, boruak a lo tel thei a, hei hian thisen a ti kal thei lo a ni. I tui pipe line pawh boruak a awm cuan, air-lock a insiam a, tui a kal thei lo ang tho kha a ni. Tunah chuan, heart attack awmzia chu kan hre ta a. A chhan tam ber, cholesterol hi chhuak lehah kan sawi ang.