Dawrpui Kohhranin kum 100 a tling ta

DAWRPUI KOHHRAN CHANCHIN : Kum 1918 a din Dawrpui Kohhran chuan kumin (12018) hian a Kum 100-na (Centenary) a hmang mek a, Kum 1920-ah Pu Chhotelal Seth-a Bawng inah an inkhawm ṭhin, hetih lai hian Dawrpui-ah mi tlemte an awm a, Chhinga Vengah in 10 vel an awm bawk. Hetih laia Aizawl chu Kulikawn a\anga Chanmari hi a ni ber a, Mizo in dik tak chu hetih lai hian 1000 pawh an la tling lo.

Pathian kaihhruaina leh awmpuina a zarah tluang takin Kohhran chu a kal ve zel a, Aizawl Hmar lam zawng zawng tih mai tur chu kum 1955 thleng khan Dawrpui Kohhranah hian an lawi ṭhin a. Veng hrang hrangah mi an lo pung ve zel a, Biak in hran neih a lo ngai ve ta zel a, kum 25 a vei meuh chuan Dawrpui Kohhran aṭangin heng Kohhrante hi a lo piang ta hlawm a ni :-

Kohhran Hmeichhia, K|P, ngelnghet takin a ding chho a, Naupangte Sunday School bakah an hawihai tur ven nan Children For Christ din chhoh a ni a, tlema a lian leh zual deuh, KṬP a la tel rual chiah lo, kaihhruai ngai tak si te tan Youth Group a hnuah Junior KṬP lo ni ta pawh din chhoh zel a ni. Tunhnai kum 5 vel kal ta aṭang khan Kohhran Pavalai Pawl din chhoh a ni leh ta bawk.

Dawrpui Kohhran hi Kohhran ding hmasa pawl a nih bakah Biak in (a hlui) hi Zosap Missionary Pu Mena (Rev. E.L. Mendus) hoa sak a nih avang hian ngaihlut a hlawh a, tunhma deuh phei kha chuan Inkhawmpui zawng zawng hi a thleng emaw tih mai tur a ni. Vawiin thlenga Pathian khawngaihna dawng leh Thlarau Thianghlim chenchilh Kohhran ala ni ta reng a ni.

CENTENARY LAWM A NI : January 2018 aṭangin Centenary Lawmna hun hman ṭan a ni a, Centenary ‘Run’ buatsaih a ni a, Children For Christ, KṬP/Jr. KṬP, Kohhran Hmeichhia, Kohhran Pavalai Pawl leh Ramthar Committee ten thla khat zel programme siamin ṭha an tih dan leh hlawk thei tura an beisei ang berin an hmang hlawm a ni.
Ni 23 Oct, 2018 (Thawhlehni)-ah Civil Hospital tan Blood Donation neih niin Unit 106 lai pek niin Kohhran pawl dangte pawhin an rawn pe ve hial a ni. Ni 24 Oct, 2018 (Nilaini) zingkarah Social Work (Vengchhung tihfai) Upa Bial tinah neih a ni.

thil chi hrang hranga a lawmna kalpui chhoh a ni a. Ni 21-28 Oct, 2018 chhung khan a lawmna pui ber - “Centenary Week” hman chhoh a ni.
Ni 21.10. 2018 (Pathianni) zing dar 10:00 khan Synod Moderator Rev. F. Lalrinnunga chuan Biak in thar a hawng a; Hawnna inkhawmah hian Centenary Zaipawlpuiin “Aw Kawngte u,” an sa a, Kohhran Zaipawlin Biak in thar hlanna, “Aw Jaa” an sa bawk. Kohhran mipui an thahnem hle. Inkhawm banah Biak in tuala Monument Upa Rokamlova’n a hawng a, Centenary Cake, Kohhran Committee member ten an zai a, Thingpui ruaiin a zui nghal a ni. Chawhnu inkhawm banah Archive Exhibition, Upa Lalbiaktluanga’n a hawng a, Exhibition-ah hian thlalak hlui leh thil hlui pho chhuah a ni a. En a hlawh hle.

Kar tluanin zan tin Pathian biak inkhawm neih a ni a, Dawrpui Pastor lo ni tawh-ten thu an in sawi chhawk a. Tin, Dawrpui Kohhran a\anga indang tawh Kohhran hrang hrang Zaipawl an zai \hin a, Synod Choir leh Bial Zaipawl an zai bawk a,  Manipur Area Zaipawl hial an rawn zaite hi beisei phak bak a niDawrpui Kohhran atanga in dang tawh ten Kohhran hmingin lawmpuina thuziak leh sumfai min pe hlawm bawk. 

Ni 27 Oct, 2018 Inrinni khan chawhma lamah Pastor leh Uapte pualin hun hman a ni a, Chawimawina Ciatation hlan ṭheuh an ni bawk. Chawhnuah Fellowship programme hlimawm tak hman zui a ni a, tlaiah mi 3000 chuangin Ruai an ṭheh a ni. Kohhran mi leh Pawn lam mite hnen atangin Ruai leh Centenary senso atan malsawmna an dawn atangin phal takin ran leh pawisa fai  an rawn thawh hlawm a. Heng avang hian hian Kohhran hoten Centenary kan lawm a, ruai puar leh tlai takin kan ṭheh thei a ni.