Dawrpui mizia leh rilru

- Vanhmingliana

(Dawrpui Mizia leh rilru inerna leh itsikna awm miah lo kha ava ngaihawm em!)

Khua leh Vengte hi a awm hmasa leh lo kaihhruai dana zir te hi a ni duh khawp mai. Rilru te deuh leh zim deuh in veng an lo vawn \hin dan leh mi zau, thil phal leh khawtlang tana inhuam tak lo kaihruaina hi chu an zia ang zelah a lang zui tlangpui.

Dawrpui hi a mi cheng hmasa Pu Pachhunga, Pu Buangthanga, Pu Lalrinliana, Pu Saikaia, Pu Lalhema te niin an ni hi mi hausa leh dawrkai hmasa an ni a. Khawtlang thil tih ni khuaa midangte tana inphal, mahse nihna chu duh lem si lo te an ni a. Tin, Veng inthurual pa hote ringawt pawh lemchang drama leh Carol Party-te insiama mi
hausa leh retheite \anpui nana thawkchhuak fo mai an ni. Tun laiin an thlalak leh an hunlaia member-te smart taka inchei thlalak te an rawn Upload fo mai. Vengpaa ka hriat mai theihte chu Pu Rualkhuma, Zion Street, Pu Vanlalliana leh Pu Lalhmingthanga P & Sons, Pu Haudala, Pu Vankhama & Pu Vanbuka(Unau), Pu Lalrinliana, Bazar, Pu Ngila, Bazar Bungkawn, Pu Challeta, New Market etc kan sawi kim mai thei lo ang. Zarkawt pa ho pawh Pu R. Buchhawna hovin an \hahnem viau tho. Pachang pui pui kha lungrualin hnuchham \anpui nan te an lo bei nasa hle \hin.

Ka sawi duh chhan tak chu, mihausa leh rethei inthliarna a awm lo he veng chhungah hian lungrualna leh veng tana \hahnem ngaihnaa thawkchhuak mai \hin an nihna lai kha a ni. Kohhran lamah Pu KT Dawla F/o Upa Rokamlova te chhungin hma an la nasa. VC (Village Council) kan han neih te pawh kha, inthlan em em awm lovin kaihruaitu tur te pem buh bel mai \hin changte pawh a awm. Entirnan Pu Challeta kha a hreh deuh tawh chang pawhin an nawr luih chang a tam. Thlan laih leh khawtlang kaihhruainaah Valupa Pu Hau\huama Bazar phei, Pu Councilthanga (Sila) etc te kaihhruainain Dawrpui a mualpho ngai lo. Pu Lalhmingliana (Hmingroya) Zion Street hi tuman Dawpuiah chuan an theihnghilh tawh ngai lo ang.

Dawrpui |halai Pawl tiin 1971 bawr vel khan pawl lian tak a lo ding a, a kaihruaitu hmasate hi upa deuh tawh tak tak Pu Lalrinliana, Pu Mankunga, Pu Rohmingthanga (Sena) te an ni a. Tuna a la dam ah chuan      Pu Rosangliana leh Pu Malsawmthanga (Patea) te an ni tawh mai awm e. Pu Rosangliana (P &Sons) phei chu a zawnin kum 7 vel (1977-1984) vel thleng President, Pu Councilthanga (Sila) Vice President, an chelh deuh ngar ngar. Khang lai hun te kha ava nuamin ava ngaihawm tak em! |halai Pawl khan thil lian tham tak tak te an huaihawt \hin- Lammual-ah wrestling (Lalkulha & Tlangsiama), tin, concert ropui tak tak, Sports lamah Zoram puam huap ang Hockey & Football Tournament \anpui chang an ngah mai.

Kum tawpah Grand Carnival- Bazar pheiah leh Bungkawn thlengin neih \hin a ni a, Aizawl leh a chhehvel chu a hipkhawm vek. Chutah Pu Lalhmingthanga te TMB eng emaw zatin Tlawngah kan picnic \hin. Zu in leh in lo inthliarhranna reng a awm lo. Mi zawng zawng an leng vek, alo va Kristian e! Zu in mi tan pawh Pu Rokamlova te kha a biak nuam nuam an ni. 1988 vel a\anga vawiin ni thlenga YMA lo ding ta hi chu i sawi thui tawh lo mai ang. 

Kan sawi tak ang Dawrpui Mizia leh rilru inerna leh itsikna awm miah lo kha ava ngaihawm em! Tunah hi chuan ka hmuh danin VC/Local Council inthlan te hi Political boruak vek a ni ta mai, a \ha lo in a tenawm ka ti. Politics ni lovin, veng tana mi\ha te hi candidate-ah vawrh chhuak ila, Party ang ni lovin, mi\ha leh tlawmngai te hi hruaituah awm mai teh se. Heng hi chu MLA inthlan ang a ni ve lova, vengchhung hruaitute liau liau an ni a, he Dawrpui zia vawng nung zel tur hian hruaitute i thlang zel ang u.