Hriselna nge Pawisa-Ei leh In?

- Dr.Thangchungnunga.MS.(Ortho)

Kan veng, Dawrpui hi han ti bik deuh teh ang, kan nunphung hi ka thlir vel hian thil tam tak ka ngaihtuah phah a. Chhunah chuan Dawrpui mi dik tak let hnih zen zawn kan phu luih luih a, Zanah leh inkhawmnaah chuan kan tlem leh hle lawi si a. Floating population an tih hian nitin min bawh bet a. Chutih laiin sumdawng lam chi leh dawrkai lam kan ni deuh vek bawk a.

Ka ngaihtuahna ti buai \hin chu, sum, pawisa dehchhuah leh duh thal a ei leh in hi kan hnapui ber a ni deuh riau in ka hria a. Hei hian kan chhungkua, mimal nun leh rilru put hmang leh, a pawimawh ber, hriselna lam hi kan
ngaihthah hle in ka hria. A hmasa berah, zing kal, exercise ang chi kan ti peih vak lo a, kan tho hma lem lo a. Dawrpui ah ngat phei hi chuan, zing khawvar leh ni chhuah \an inkar bak hi boruak thianghlim, rimtui hip tur a awm lo tih hi a tak in ka hre chiang tawh a. Nilengin boruak thianghlim lo kan hip lut a ni ber e.

Kan sum duh lutukna lamah chaw ei hun mumal nei loin nitin kan sumdawnna leh dawr thilah kan buai a. Junk food a in hnawh puar ta mai mai kan tam. Hei hian kan pumpui hna thawh dan a ti buai a, pum nuam \ha taka nileng a awm kan tam vak lo ang. Dâwrah kan \hu nileng leh a, kan kal chhuah ve chhunah lirthei kan hmang zel bawk a. Kan taksa hian thil \ha kan ei \euh pawh hmanna a nei lo a. Aizawl khaw chhung hi a zau lo hle. A chhim leh hmar, chhak leh thlang zawng pawh hian darkar tam kal a daih lo.

Tunhma, kum 1979, khawvel curfew rei ber an tih, tlai dar ruk leh a chanve a\anga zing dar ruk a nih reng lai khan kan nula rim haw, Diet peng bul, Zangena petrol pump bul a\angin tlai dar rukah chiah kan haw a. Kulikawn, Salvation biakin bul a CRP duty in curfew, dar ruk leh a chanve chiahah min lo tih din an tum hman chiah a, kan bye bye a, Tlangnuamah kan haw chho \hin. Tunah erawh chuan motor a jam a, mihring kan jam bawk a, kal chhung chu a rei deuh tawh turah ngai ila. Dawrpui a\anga Governor in leh Chanmari thleng te hi chu ke in kal tum ve \hin ila, kan tan a \ha zawk deuh in ka ring. Mahse, hmanhmawh reng reng in kan awm a, lirthei bawk kan hmang leh \hin.

Kan ei lah a \ha \ha, bawngsa, vawksa, arsa, sangha zing chhun zanin duh tawk kan ei reng bawk a. Kan thau in dul a kiar luah hlawm reng mai a nih hi. Hei hian a hrin chhuah chu, zunthlum, BP sang, cancer, lung na, thazam chaklo, kal leh mît a lungte, cholesterol sang tih te a awm tir nghal thuai mai a. Tam pawh kan tam hle. Pawisa kan ngah a, in enkawl nan kan seng hnem leh a, nun nuam in kan hun kan hmang tlem hle. Taksa \ha mahse, rilru hah leh hisap a, \ha zawk ngaihtuah reng rengin kan awm a.

Mizoram chhungah hian Dawrpui leh Zarkawt te ang hi chu natna chi tin vei mai thei leh vei awlsam kan ni tih hi i hre teh ang u. Thil ei chin tawk neih te, thawh hma te, chet tam te, mahni inchhungah phei chuan ke lawng a kal \heuh te hi tum teh ang u. Kan chhuat leh lei tal a la in zawm a, inchhung a rubber sleeper kan la bun reng hi chu, nature magnetic charge kan dang bet tih hriat tur. Pathian min siam dan kan tih buai chinah chuan kan na kan na mai dawn a ni.