Damlo leh a kalpuitu hriattur

- Dr. Thangchungnunga, MS (Ortho)

He thu hi kan ziak zing in kan chhuah hnem viau tawh na a, tuman an zawm \ha duh lo hi chu a mak ngawt mai. Pakhatnaah chuan, X-Ray rawn lak lawk hi, a tam ber chu kan duh lai tak leh a lan dan tur nilo hi an ni deuh vek a. He thil hi chu a X-Ray zungzam hlauhawmna nen a hran pawh in ka ziak tawh a. In entir phawt a, a ngaih leh X-Ray chu tih choh tur.

A pahnihna-ah chuan; A hma a an lo in enkawl tawhna, khawihmun ami pawh, a awm zawng zawng ken vek \hin tur. Tam takin hei chu kan entir tur nen a in zawmna a awmlo, tiin leh ken loh hrim hrim tum hi an tam ta lutuk a. He thil pawimawhna hi chu, ruh lam a ni emaw, pum, cancer, eng natna pawh nise, kan taksa hi a in zawm kual
in a in chawm tawn vek a. A enkawl \hatna turah pawh  an in kungkaih kual vek a ni tih hriat a \ha. Entir nan, ruh chuktuah na tak a lo kal kha, a rilpui lawng (Colitis) vang a ni thei a. A dar leh hnung emaw na kha, thluak a\anga diklo vang a ni thei bawk a. Cancer hriat chhuah rih loh zungzam vang te a ni thei bawk a, heng hre ve tawh silo hian an duh ang ang in, hei chu a pawimawh lo ang, ti a keng lo lui an tam.

A pathumna chu, eng damlohna pawh nise, doctor in hriat nghal kan duh pawimawh leh a natna nen a inzawm tlat natna hriatsa a awm nual a. Chung chu, Diabetis (Zunthlum), Cancer eng lai pawh dam leh ang a lang pawh nise, TB vei mek emaw a damdawi ei mek emaw te, Lung (Heart) \halo, chu chu BP sang nen in tluk reng a ni. Thil huat nei, allergy te, Sulfa lam ei thei lo leh, mahni bikin dam dawi ei theih loh nei bik tlat te, an in entirna lehkha awm ang ang ken vek tur. Zunthlum phei chuan eng department pawh a  khawih buai vek a, Doctor in hriat ngei ngei kan duh \hin.

Khing kan sawi bak pawh khi ken tur awm ang ang chu ken zel tur. Tunlaiah phei chuan lehkha dahkhawmna tur, a kawm lang tlang a chhin nei kilh theih cheng sawm lek lek man a tam a, hengah hian dahkhawm mai tur. A bik in record awm lem lo, sulfa lam hua te, ei huat bik nei te phei hi chuan, a hmasa berah sawi nghal zel tur. Khing documents zawng zawng, i neih ang ang, investigation, nen i ken vek chuan, in zawt buai a, hun paih \euh ngailo in en mai theih a ni a, doctor leh damlo tan a hahdam thlak bakah hun a heh lo a, zawm hram i tum ang u.

A pali-na chu, mitin ti ila kan tisual tam pui lo ang, hian Mobile phone kan nei ta vek mai a. Clinic, damdawi inah emaw, Private-ah emaw kawngkaah, chiang takin, Mobile off emaw silent ah dah tur tih kan tar vek a. Chuti chung chuan darkar chanve lai lo \hu tawh pawh an lo luh veleh a rawn ring a, thil mak tak chu a ni ve. A hma a ri miah lo kha a lo lut apiang mai hi rawn biak tum in an mobile a ri deuh vek mai a. Ka experience ngei a ni a, thil mak tak chu a ni. Mobile a lo ring hian kan ngaihtuahna leh concentration te, damlo rilru leh doctor rilru a la peng nghal a, damlo leh a entu tan buaina a ni. Kawngkhar a intar i hmuh chuan ri lo turin dah ve mai tum ang che. Phai vai, naupang te te, la thawk tir tê hmu tur pawh in, ’Khi mobile off tur an ti’ tiin kan off sup sup si a. Mizo doctor room a kal dawn chuan tuman an ngai pawimawh duh tlat lo. Kan in zahlohna nge, kan ngai pawimawh duhlo tih hi ka ngaihtuah \hin. Kan mawl vang chu a ni hauh lo.

A pangana chu, damlo kha a tawng theih a, naupang pawh nise, an hmingte, an natna te kan zawh hian, lo chhan khalh zung zung loh tur. Naupang phei chu, an \awng leh chezia a\angin thil tam tak kan hre nghal thei \hin tih lo hre tawh ang che. Heng ka sawi bak pawh pawimawh tur chu nangman i hre ve tur a ni. Khing khi zawm hram hram i tum ang u.