Pu K. Khualluna kan chan ta
21 August, 2010
2
comments
Pu K. Khualluna hi 13th February 1939 khan Phullen khuaah alo piang a. Phullen khua-ah hian seilianin Lo neia eizawng thin an ni a, kum 1959 khan Aizawl-ah lo pem thla in, kum 1965 khan Dawrpui-ah hian a inbengbel a, Pi Lalringi (L) nen inneiin fa 6(Paruk), mipa 5 leh hmeichhia 1 an nei a, tu paruk a nei bawk a ni.Dawrpui khawtlang pa hlun leh khawtlang tana a theihtawp chhuaha, inhmang thin a ni a. Politics-ah inhmang chhovin tuna an awmna hi Mizo Union-in an pek a ni a, Congress party zawm chho zelin ram leh khawtlang tana a theihna nasa tak hmangtu a ni. Dawrpui khawtlangah Congress party khaidingtu leh hruaitu hlun a ni. Mizoram Upa Pawl, Dawrpui Unit-ah Secretary hmasa ber dawttu a ni a, Dawrpui VC member hun rei tak alo ni tawh a, a hun lai hian Dawrpui khawtlang intin chhungkaw member list a bu-in an siam a, hetah hian amah hi a khaipa ber a ni.
Dawrpui Presbyterian Kohhran tana a theihna nasa taka lo hmang tawhtu a ni a. Tuna Dawrpui Biak in ruangam kal zelah hian a kuthnu leh hnuhma tam tak a hnutchhiah a ni.
A Mizia : Pu Khuala hi pa hlim thei leh a bula awm nuam em em a ni a, pa nui huau huau chi, a bula khawsak nuam tak a ni. Lu a sun nasa a, chuti chunga a lusun ni ngei pawh nui thei reng, pahlim thei tak a nih avangin miten a bula awm nuam an ti thin.
Thih dan : Tunlai hian a lusun khawharna hian a tibuai ang reng a, a hriselna thlengin pawhin a tawrh phah a. A nunkhua hi a khawhar a, a fate Pu Lalthakima te chhung pawh hian hengte avang hian thla 2/3 lai chu an chenchilh tawh a ni. Aug 19, 2010 kha a fantu Laltanpuii thih cham a ni a, hemi ni tlai thimhlimah a u, Pi Lalthianghlimi te in, Vaivakawn-ah riak turin an hruai thla a, zing dar 1:00 velah pawh tui takin ala mu a, zing lam dar 7:00 velah a u in kaihthawh a han tum chuan mihring alo tling zo ta lo a ni.
Ka ui, ka lainat, ka rilru a na takzetttt a ni
School building tun a hostel sak lai a a vil nasat zia te kha o...a va uiom m...lainat om bok...