Dawrpui-ah Security Guard!

Dawrpui Khawtlang Hruaitute Joint Committee chuan “Kawng hrang hranga kan khawtlang a ralmuan a, a lo him zawk nan Security Guard rawih nise,” tiin a rel a. November thla chanve aṭang hian rawih ṭan theih tura hmalak a ni.

YMA Kumpuan Committee neih ṭumin sawiho a  lo ni tawh a; 'Local Council-ah thlen nise', tih  anih angin Local Council chuan NGO hrang hrang YMA, MHIP leh MUP te Joint Committee neih pui lehin ṭum 2/3 an sawiho hnuah Security hi rawih an tithlu ta a ni.

Duty chuan enge an tih ang ? Ruahman dan chuan chhun leh zan a duty tur a ni ang a, chhun lam duty hian  chhun eng pawh zah lova ruihhlo zuar leh hmang ṭhinte an man ang a, khawtlang dan dinglai anga Step leh kawngsir vela mipui tana hnawksak, thil zuar ṭhinte an veng ang a, vengchhung zawng zawng erawh chu mi 2/3 tan chuan tuam sen a ni lo maithei? Zan lamah vengchhung leh khawlai dung ralmuanna turin duty hi an awm bawk ang a, zana khawlai tiralmuanglo - Zu rui, KS etc an vil ang a, dawr neitu tan pawh dawr vengtu an ni nghal
zel ang. Engemaw thulh a koh mai theih turin Phone theih an ni ang.

Mipuite kan ralbang thei lo ang : Security kan rawih dawn avang hian Khawtlang duty kal lai hi tih tawp a ni dawn chuang lo a, Security-te hi Khawtlang Duty tha tichaktu tana rawih chauh a ni. Kan tlin bak leh kan theih bak lo bawhzui tur a ni ber ang a; a bikin zan lama Khawtlang Duty an ṭin hnu dar 2/3 chho velah mi hnawksak kan tihho hi an tam ṭhin nia hriat a ni a, chungte lo bawhzui zel tur chauh an ni. Mipui ten kan ṭawiawm ṭhat hle loh chuan sum tam tak seng a kan rawih tur Security hi engmah lohah kan chhuah ve thei bawk tih hriat a ṭha.

A hautak dawn em? Heng Security Guard -te hi agency hrang hrang an awm a, inrawihna man hi a tlem lo viau, mi pakhat rawihna man pawh hi Rs, 8,000/- zet te a ni a. A tirah hi chuan kan khawtlang hruaitu - LC, YMA, MHIP leh MUP ten an inthawhṭawm phawt ang a, a boruak a zir zelin in tinah emaw dawr tinah emaw pawh khawn hun a la awm mai thei? Tuna kan rawih tumte hi First Security Agency an ni.

Thuneihna sang tak an nei : Security Agency te hi Registration nei thlap an ni a, Police lam nena inthlunzawmna fel tak nei an ni a. Mi man ngai lo awm ta se, a \ul angin Police-ah an hlan ang a, khawtlang inrawlhna awm chi ah chauh NGO-te an inrawlh ang. Duty-na atana mamawh leh \ul thuam famkim tak an nei a, uniform engkim an nei vek dawn a ni. Dawrpui Sikul-a Khawtlang Duty Room hi an Base a ni dawn a ni.

Anmahni hi dan mumal tak neiin rank hrang hrang nei an ni a. Duty hi rotation shift ani a 24/7 anga kalpui tur a ni. Veng chhungah harsatna/buaina nei emaw hria kan awm chuan a hnuaia mi te hi engtik lai pawha biak theih reng an ni e.

1) Hmangaiha (Regional Officer) - 841 383 2001
2) Moses-a (Commander) - 961 559 4034