Mahse…..

- Enga Ralte

Mahse' tih \awngkam hi thu mal tawi te; awmze thui tak nei si a ni . A thu  mal a tawi na vang vang hian Hmarcha te ang ma in a thak hrak thung a.“ Mi chanchin kan han sawia, “an thatna lai kan han mal khalh ngar ngar a,“ a tawlhpanal kan han thleng dawn chiah a, chutih lai taka kan thusawi phetthlu zawt thei leh sawh sawn dawrh thei khawpa thumal thiltithei chu a ni.

'Mahse' tih tawngkam hi mihring te Hero atanga Zero a min siam thei tu a ni a.“ Kan tih \hat vawi sawmkua leh pakua chhilh bo hmak a, kan vawi khat tih sual te lek pawh vawrh kang dawrh thei khawpa thiltithei a ni.

He thu mal hi Inlehkhaden na a Joker kan tih ang maia thiltithei hi a ni a, thumal kara kan zeh zeuh tawh chuan thil kal dan thlak danglam vek thei leh midang te vaw chhe vek thei khawpa thiltithei a ni.“ He thu dengkhawng tak hi 'Thu Mangkhawng' ti pawh in vuah ila kan sawi sual tam awm lo e.“Kan hla phuah thiam Pu Rokunga pawh khan, 'Ka pianna zawlkhawpui' tih hla chang khatna ah khan Aizawl khawpui chu, "Ka pianna Zawlkhawpui,
“Hawih te'n i mawi chuang e, Chul hian i mawi lo ……" tiin a thiam theihpatawpin a rawn fak chho hliam hliam mai a. Mahse a 'Mahse' lai tak chu, a chang hnihna hian a chang khatna a rawn dah Nil a, a rawn lehthal thak thei hi a ni.

A chang hnihna ah chuan Aizawl khawpui chu "Tlangkimah mawi mah la, I nun a mawi lo; Dikna a fam ta, felna a tlawm ta, “Nun suar ang a chim;" tiin a rawn chhuahchhal ta zat zat mai a.“ A chang hnihna tawp lamah phei chuan "Tham leh bawlhhlawhna ten tual an leng, “Awi maw a pawi em mai!" tiin Aizawl khawpui dinhmun chu a rawn phawrh fai ta leng mai a ni.

Anitaka, thenkhat hi chuan fawmkem leh zakzeh nei tun chung hian kohhran leh pawl tan theihpalingkawhin kan han bei ve vak mai thin a. kohhran leh pawl a ti zahawm lo zawk lek lek thin a ni. Pawnchhe bala darthlalang hruk fai tum ang mai in, kan beih nasat zawh poh leh kan ti bal nasa zawk ting mai a ni. Thenkhat chuan kan kut ding lama Lalpa zanriah Sacrament kan dawm mek laiin kan kut vei lam in sawrkar sum bawm kan zen ru ngar ngar tho a.“ Thenkhatin kan zak ding lama Bible leh Kristian Hlabu zakzeh chungin kan ke vei lam in zu no kan dai baw hram a. Thenkhatin Kohhran ramri hungna pal è Ìthlu lo tawk chiah chiah a humsual daiin, “kohhrana kan nihna kan lo uire san ve bawk a. Kohhran lama mi hla deuh te leh ringlo mi ten "Ani hi chu kohhran tan a tangkai in, a fel viau naa mahse….. " tiin kohhran beihna atanathalfang thami leh dolung pawimawh ah min lo hmang tawh mai thin tih hi hriat ve thin a tha.Mi tam tak hi chuan kan kawngka lu chunga nihna leh chanvointar tur ringawt hi kan khel a. Nihna leh chanvo te hi Kawrchung leh Nghawngawrh ang maia incheina hmanrua emaw kan ti tlat thin, “kan ngaih hai ve haih haih thin khawp mai. Inthlan dawn ah mi harsa zawk te hmakhua ngai ni awm takin kutdawh chaw khawn in vote kan khawn a, dinhmun thakan han chelh chiah chuan mi harsa zawk te chanai in kan inchhekarbawm leh mai thin.

Ram leh khawtlang hmangaih awm tak anga lang si hian kan ram, khawtlang leh veng chhung tana hmasawnna tur lo kal te hi kan Designation Plate hmachhuan in kan lo thukpen in kan tapchhakah kawhlet kan lo chhuah a. “Tisual reng chung si hian kan la vawih lo thut hmiah hmiah thei zui. Hnung lam atang miin min kawk a "Ani hi chu ram leh khawtlang tan a tangkai viau hian a lang naa, mahse….. " tiin min sawisel leh tho thin tih hi hriat ve kar a tha.“Kan nitin khawsakhona leh kan mi mal nun thleng hian 'Mahse' tih tawngkam hian min nghawng lo thei lo a nih hi. “Tlangval hmeltha tak leh fing tak ni la, i thluak te chu Library ang mai in hriatna leh finna tinreng in khat se. “Chumaibakah infiamna lamah pawh thiam leh thei filawr lak ni la, khelmual chhungah Dawithiam ang mai in i thiam te chu han show vel thin la. 

Tin, chatlak loin sum hlawm te chuan rawn delh awlh awlh reng bawk che mahse la, nawalh bawk tia lek nangmaha diklohna pakhat te pawh a awm chuan, chu chu nangmah kang chhe tur che in a chak tawk. “Nawalh bawk khat hian ram zau tak a ti kang thei a nia. "Ani hi chu tlangval fel tak a ni a, a hmeltha bawka, a hausa bawka, a fing bawka,“ mahse….. " ti a mi in an sawi zui hlauh che chuan thil pawi tak a thleng thei reng a ni tih hria la, fimkhur hle ang che.

Fur khaw thiang kara zawngtah hnah chawr no hlip hlep, zing ni chhuak eng mawi takin a rawn chhun det sar sar ang maia nula nalh leh hmel tha ni la, “Vanapa Hall kur diam diam khawpa zaia mipui awi thin ni bawk la, i zaithiam zia chu mi te hrilhfak ni bawk se la. Chumaibakah hmelthatna, thiamna, mawina leh piannalhna te chuan khawibu ang maiin bawm in bawr thin che mahse la, hriau hmawr tia lek nangmaha diklohna miin an hmuh chuan, chu chu i hmingchhiatna atan a tawk. “Mipa aiin hmeichia hi an hmingche hma zawk tih hria ang che. Arawn inpenparh ai in mawi in nalh thin mahla, i nungchang i uluk loh emaw vawikhat lek pawh i chet sual palh hlauh chuan i dam chhung in a vaw let thei che. “"Ani hi chu a hmel a tha a, a pian a nalh bawka,“ a zaithiam bawka, lehkhathiam a ni bawka, mahse….. " ti a miin an sawi zui hlauhche chuan thil tha lo tak i tan a tling thei a ni tih hre reng la, kawng engkimah fimkhur hle ang che.“““““???