Exercise
26 November, 2017
0
comments
- Dr.Thangchungnunga MBBS.MS (Ortho)
Tunlai chu kan hriselna kan uluk ṭan ta deuh in a lang. Kan hriat reng fo atana ṭha chu exercise, taksa insawizawi hi kan tih tawh rau rau chuan kan dam chhunga kan tih a ngai tawh ṭhin. Tuktin i inkhel ziah anih chuan i awmna hmun leh kalna apiangah leh sawrkar hna i thawk a nih pawhin i awmna apianga i tih theih tur ang chi hi thlang zel la a fuh ber awm e.
Exercise tih hian taksa pumpui tih chet tur ani a. Mizo te hi exercise la peih lo ber kan ni awm e. Hmanni a nula pakhat ka en chuan, ‘Tunlai chu exer ka la regu vak lo a, cherna damdawi min lo chawh teh’ zu han ti mauh a. Exercise leh regular pawh lam pum peih lo chuan a lak ṭhat vak hmel loh hle.
Exercise hi inchhung veranda, kawt kai leh kawng dung te, field-ah te pawh a lak theih vek a. Thawmhnaw nalh leh mawi tak, pheikhawk mawi tak a ngai kher lo. Duhthusam phei chuan phaitual hnim chungah ngei, ke lawngin tlan ila a ṭha ber. A theih loh pawhin kan veranda-ah emaw a awl sei deuh laiah sipai kal kan tih mai, ke tlawn kal a ke zung\ang a\anga kut leh taksa, awm leh dul, a nasa thei ang bera in san phek a, kut zungṭang pali hi
hmalamah tha tawpin han inpawt bawk la, i hmel in seh ruh la, han kal chhin teh, I kal chak thei lo ang. “Deep breathing” an tih mai, thuk taka thawk a, zawi muanga thawk chhuah leh tur hi ani a. Chu ngei chu a chunga exercise lak dan tur kan tih hian pum leh awm a thawk loh theih lohin i thaw muang ang a, i kal chak thei lo bawk ang, hei hi khawiah pawh a tih theih vek a. Dam chhungin ke-a i kal theih chhung chuan a tih theih bawk ani.
hmalamah tha tawpin han inpawt bawk la, i hmel in seh ruh la, han kal chhin teh, I kal chak thei lo ang. “Deep breathing” an tih mai, thuk taka thawk a, zawi muanga thawk chhuah leh tur hi ani a. Chu ngei chu a chunga exercise lak dan tur kan tih hian pum leh awm a thawk loh theih lohin i thaw muang ang a, i kal chak thei lo bawk ang, hei hi khawiah pawh a tih theih vek a. Dam chhungin ke-a i kal theih chhung chuan a tih theih bawk ani.
Heng, tlan, inkhelh leh sports chi hrang hrang ho hi chu tih theihlohna hmun a awm hunah a buaitlak ṭhin. Taksa hian hun a vawn fel tawh chuan a thlak mai mai thei tawh lo. Pian tirh aṭanga pheikhawk kan bun ṭhin hi a pawi hle, inchhung faiah chuan, naute chu vah emaw kal tir mai mai tur. Kan chhuat a fai vek tlangpui tawh a, puitling pawh ke lawnga inchhungah chuan kal vel hi a ṭha. North leh south pole magnetic field hian kan thluak leh nerve, tha zam hi nitin a re-charge a ngai ve tih hriat reng tur. Magnet dang tur a kehnuaia rubber (slipper / pheikhawk) dah reng ho hi, an hrisel ṭha tak tak thei lo.
In chhawng sangah i awm a nih pawhin, ke lawng in kal tam rawh, i dinna leh lei a la in zawm chhung chuan lei a kal ang tho i ni. Keima practice a \ha ka tih chu, mahni in bul emaw, a awl laiah uaina tur thing / thir emaw kham a, in uisa lehlin a, ke-a in khai va va theih a, vawi sawmnga te i khabe thlenga i uai chho zak zak thei a nih chuan i fit lo ngai lo ang. A nih loh chuan zing tlan leh ke-a kala boruak thianghlim ṭha hip luh vak vak te hi khawiah pawh tih theih angin lang mahse ruah a sur chuan a tih theih si lo hi a famkim lohna ani.
Thingtlang, ram hna hah taka thawhna hmun amite tan a hrana exercise lak a ngai lo, a \ul bik riauna erawh a awm thei. A tira zuan, ṭum, skipping tih te hi chin loh a tha, fit deuh hnua tih chauh tur ani. Hrui zena uai chhoh leh chhuk te hi chin tur. Ban leh awm seklian pui pui ho hi an chak hmel aiin an chak vaklo in an tha a fei lo. Exercise pawh lam pum peih lo chuan, tih tum ve lo mai rawh.
0 comments »
Leave your response!
Han sawi ve teh le.