Krismas result

- Dr.Thangchungnunga.MS.(Ortho)

Krismas leh kumthar 2018 lawm chu kan lo zo leh ta a, dam taka kan chuangkai chu kan hlim viau rualin kan thih ni kan hnaih sauh bakah kan natna neihsa a puang nasa hle tih chu damlo ni hnih khat han en a\ang pawhin a hriat theih khawp mai. A lawmawmna lam chu accident leh thihna rapthlak nasa leh buaina, tlang hriat khawpa harsatna thlengte kan nei lem lova, chuti tih lohah chuan a neuh neuh, ke tliak, ban tliak, ke ulh tih vel, bai lauh lauh leh ban awrhte chu kan ngah mai, heng hi chu eng tham vakah ngaih tur pawh niin a lang chuang lo. 

Thil langchiang deuh mai chu ruhseh (rheumatoid & gout), BP sang, zunthlum, pumpuin^ zual leh pum lam \halo, kawngn^ a tam zualkai nasa hle. A bikin gout ruhseh phei chu a nei sa an na zual a, a nei sa lo in an neih phah
bawk a, damlo lokal  tam ber hi an nita deuh vek rih mai hian kan sa leh hmuihmer ei nasat zual zia a ti lang emaw tih mai tur ani a. An blood sugar leh BP han check in a lo sang zual deuh vek bawk a, hei hian a tih lanchian >m >m pakhat chu Mizote hi insum harsa ti >m >m mai leh ei leh in duh tak kan ni tih a chiang a, kan natna ti belhtu leh kan natpui tur tih hriat reng pawh hemi hun chhung hi chuan kan nghei phal lo a nih deuh ber hi maw! A lehlam z^wng tak chuan hnam vir tak kan ni nge rawp tak kan ni nge kan zia hi chu kan in enchian deuh a \hain a lang. Ka hmuhdan chuan Mizote hi rilru nghet lo, thil, a bul a\anga a tawp ngaihtuah ziktluak mumal peihlo leh harsatna a awm pawha beih \ang \ang peih vak lo, thil tih reng reng teirei peihlo leh chapo rilru ang reng tak kan ni emawni chu aw tih turte hian kan awmin ka hre \hin.

Tunah pawh February kan thleng chho ang a, a ruka nau ti tla duh, pumpui n^, thi-a luak leh mahni natna benvawn chi hrang hrang zualkai avanga damdawiin lut chu kan tam viau tawh dawn ani tih chu a chiang reng mai a. Thil beiseiawm ve angreng tak, zia lam kan pan deuha a lanna chu 1980’s – 2000 ngaihtuah chuan tun 2010 hnu lam hi chuan nau tihtlak te, party rik luai luai leh insual buai te, buaipui liantham tak tak kan nei tlem sawt telh telh tih a lang chho a. Hei hian zawi zawi chuan kan nunzia pawh a inthlak chho hret hret tih a lang in ka hria. Chuvangin kumin 2018 chu kumthar a nih ang bawkin rilru thar leh tum dan fel fek fawk, kumtluana programme neih \hat te, sum leh pai hman dan uluk a, sum khawl zir te, mahni phu tawka inchei, zu leh drugs, zuk leh hmuam lam tih  lohte pawh zir chhoh \an nan hman i tum teh ang u, Mizote hi chhantlak kan la awm e. Kan \awng mawlh mai hi \awng dik leh hawrawp dik i hmang ang u.