Kumthar Thuchah

- Vanhmingliana (Taua)

Dam ve na na na chuan Pathian zarah kumthar chu kan lo ban thleng veleh ta reng mai. Mi tam tak chuan kumthar resolution siamin an thil chîn \han te sim turin thu an tiam \hin a. Hetiang a tih hi a \ha hle a, tam takin an thutiam an vawn chuan an sim hlen phah ve nual. Mahse, mi tam tak tan chuan engmah lo, \awng chuang mai a ni \hin. Chung zawng zawng aia \ha ka tih ber chu Thutiam (Promise) pe thei tu Pathian hnen a dil mai hi a ni. Bible bu pumpuiah hian Lalpan thutiam 3573 lai mai a lo dah anih chu maw le! Daw ngai lo Pathian a ni si a, dil ila min pe ngei ang, kan ta tura ziak vek a ni si a. 

Bible-ah hian tih \hin dana lo nei \awng\ai mite kan hmu \euh mai. “Abrahama chuan a awmna hmun apiangah Pathian hming lam chu a tihdan \hin a ni a. Elisa chu inah a lut a, kawngkhâr a khâr a, a \awng\ai a. Petera chu
inchungah a lawn chho va, Hani chu Biak inah; Nehemia chu Lal hmaah; Jona chu nghapui kawchhungah”. Sawi tur a tam hle mai. Hlawhchham pawh an awm miah lo. Chutiang bawkin Batwe-a pawh thingkung ro, sang takah a \awng\ai ve a. 

Batwe-a hi ramhuai be \hin, hnam mawl Burma ram Adventist School a lo lut ve a ni. Ni khat chu nipui chawlh lai a ni a, a pa lâwi a enkawl a, thing kung hlima lâwi an chawlh lai chuan a piahah chuan a mu hahchawl ve a, a \hanharh chuan a lâwi vên te chu an lo awm ta miah lo mai a! Luiah te, buh hmunah te a tlân thlaa a hmu ta miah lo mai a. Thingkung ro sang tak a\ang chuan a thlir a, mipa naupang dang ten an lâwi an veng lai te chu a hmu a, a lawi reng reng a hmu ve si lo. “Aw! Eng tin nge maw ka tih tak ang le?” tiin lungngai takin a \ap ta ringawt mai a.

A thinlung a\anga aw a hriat chuan, “|awng\ai rawh, \awng\ai rawh” tia hrilh niin a inhria a. Amah leh amah inbia in, “Kristian ka ni ve si lo, ramhuai be mai ka ni si a, ka \awng\ai Pathianin min ngaihthlaksak duh lovang” tiin a \awng\ai duh ta lo va. Kar lovah âw erawh chuan \awng\ai turin a hrilh reng bawk si a. A beidawn tawpah chuan a \awng\ai ta a. “Aw Lalpa, khawngaih takin ka lâwi te ka hmuh theih nan min \anpui teh khai” a ti ta hlauh mai a. Isua hminga han dil chu a hlau hle a. Khawpui ri leh meiin a hrem nghal mai te a ring rum rum a.

Thingkung a\ang chuan rang mangkhêngin a hlauh avangin a chhuk thlaa, lei a rah rual rual chuan a lawi te chu a hmu ta mai a. Kristian ka nih hma pawhin ka \awng\aina a chhang duh a tiin amah pawh chu Kristian-ah a inpe ve ta nge nge a.

Kum 2018 kan lo chuankai hian kan sumdawnna te, kan hnathawh te, kan zirlaiah te, Pathian rawng kan bawlnaah te, hmuingilna leh hlawhtlinnate hmuh kan duh em?  Keimahni chakna rinchhana resolution te siam ve ngawt ai chuan thutiam chuti zozai min tiamtu hnenah chuan maicham te siamin hlan ve mai ila; “Chutah chuan Lalpa tan maicham a siam leh a, Lalpa hming chu a lam a” (Gen12:8). Mosian Abrahama chanchin a sawi ang khan, khawiah pawh awm ila hriselna \ha tak te kan neih theihna tur te pawhin kan \awng\aina ngaithla leh hre turin kan Pathian hi a hnaiin a awm reng \hin a ni tih hi I theihnghilh lo phawt mai teh ang u!.