Formalin

- Dr. Thangchungnunga, M.S.(Ortho)

Formalin hi Formaldehyde (CH20) a ni a. Tunhma kha chuan insecticide, natna hrik leh rannung tih hlum nan an hmang nasa a. A hmanna dang leh chu, tisa, entir nan, sava, sanghar te man a, a thise a chiu luh chuan a lo char khawng vek thei \hin a. Ransa a dam lai ang chiaha a lan theih nante an chiu \hin. Thil \awih thei rei tak dah \hat ngaiah te an hmang \hin. An nun lai ngeia chiu chuan, an taksa pumpuiah thisenin a sem darh vek a, a chhe thei ta lo a ni. A thih hnua chiu chu a rim chhiat mai loh nan a tawk lek. Tun hma phei kha chuan bawng hnuteahte pawh an lo telh \hin a ni.

Formalin hi amah tak hi chu gas boruak a ni a, a rimchhia in  a ur ana a, mittui  tla phungin mi a tawk thei a ni. Gas a nih avangin hman theih tur in tui 40% nen an pawlh ta a, he gas hi tui nen alo in kawp thei hlauh a, a tui in
burah dah theih a lo ni ta a ni. Mizorama kan hriat dan ber chu mitthi \awih, rim chhiat lohna tura chiuna, kan ti mai a, heihi chu a hmanna chi khat ve mai a ni. Mitthi kha rimchhe hma tur a ni tih hriat sa emaw, rimchhe lo tur hrim hrima siam i duh chuan, a hnuk chah veleh a vein emaw, IV drip kalna line awmsa a nih phei chuan, bur khat hi chiu lut vek la, vui hun thlengin a hmel a chhe lo ang. Mahse kan tih dan tam ber chu a taksa vawh tawh hnuah hmun hrang hrangah kan chiu ta mai chauh a ni.

Thiamna a lo sang zel a, tunah chuan eitur chi-ah reng reng hman phal a ni ta lo. MBBS kan zir \an lai kha chuan, cancer age chu kum 40 an ti \hin a. Hemi hmalam hi chuan cancer awm lo tura ngaih a ni. A \hen, ruh leh thisen cancer tlem chauh hi kum naupanga lang tura ngaih a ni \hin. Tunah chuan kum 40 hmain an thi tam ta hle mai.

Mithiam leh khawl \ha zawk a lo chhuak zel a, he FORMALIN hi carcinogen, eng  cancer pawh  siam  thei  a  ni  tih: International Agency for research on cancer ten an hmu chhuak ta a. 2011 pawh khan US National toxicology programme ten mihringah cancer a awmtir thei tih an rawn nem nghet leh ta a ni.

Kan hriat tur chu kan eiturah a chhiat lohna tawk tlem tlem an lo telh a nih chuan kum sawm velah chuan a lo in chhek khawl tam in, cancer a siam thei ta \hin a ni. Vaihlo, tobacco pawh hi tlawn khat hi test sela hlauhawm tham an hmu lo ang. Pawn lam a\anga kan lak luh eitur ho te hi uluk taka check nise a duhawm hle. Vaihlo vang ringawt hi chuan India rama cancer vei tam ber kan ni bik lo ang. A chhan awm thei ang reng reng hi chu finfiah tum hram turin sawrkar hian thupek siam se a \ha ngawt ang.