Thihna

Pathian min siam danah chuan Chatuan nunna neia siam kan ni. Mahse, Eden bawhchhiatna avangin mihring ten chu Chatuan nunna chu kan lo chân ta a. Vaivut a\anga lakchhuah, vaivut veka kîr mai tur kan lo ni ta a ni. Kan Pathian thu chuan, “In nunna chu engnge ni? Chhum rei lo te lo lang a, ral leh ta mai \hin ang hi a ni si a” (Jakoba 4:14) tiin a lo sawi a.

Mihring te hi Pathian hlimthlâ (Image) a siam kan lo nih tawh angin chuti maia inthlah liam mai theih a ni lo. Hmangaihna, induhtawnna, inlainatna keimahniah tam tak lo awm ve a\ang hian nasa taka invuina te kan nei a. Thlamuanna tak tak erawh pe thei lo mahila, khawhar inthlamuan turin kan in\awiawm a, ruang te kan intlaivarpui
leh khawhar inlenpui te hi a tuartu tan chuan a va hlu tak em!

Isuan zirtir te hnenah, “Kan \hian Lazara kha a muhil a; mahse amah kaitho turin ka lo kal dawn a ni” a ti a. An nin an hrethiam lo chu Isuan Lazara thih thu chiang takin a hrilhfiah ta a. Unconscious (nikhaw hre lo) a awm te pawh hi hriatna an neih let leh hma chu tui taka muhil ang maiin an awm a, an harh leh hnuah hriatna an nei leh chauh \hin, an harh loh chhungin engmah hriatna an nei lo. 

Chutiang chiah chuan kan Bible pawh hian lo sawiin, kan taksaa awm thlarau kan han tih hi Bible chuan Pathian Thaw a ni tih min hrilh a (Joba 32:8, 27:3, Gen 7:22). He Pathian Thaw (Spirit of God) vaivut pawh nunna pe tu, tin, mihring lo piang chhuak zel pawh tinung tu chu a petu Pathian hnenah a kir leh hun hun chuan mihring, minung chu mitthi a lo ni leh mai (Joba 34:14). Chu lo chu thlarau dang reng vâk vâk thei, inlar fo \hin, a chang a mi te tih \haih \hin an awm thu reng sawi a ni lo. “A thaw in a chhuahsan a, ani chu leilungah a kir leh a; chumi ni ngei chuan a ngaihtuahna te chu a bo nghal a ni (Sam 146: 4) tiin mitthi te chungchang chu a lo sawi tawh a ni.

Mitthi Thawhlehna:

A pawimawh ber zawk a lang chu ‘Mitthi Thawhlehna’ hi a ni. Mitthi te hi kaihthawh an nih loh chuan Krista pawh kha kaihthawh a ni bik lovang (1Korth 15:16). Isua Kristaa muhil (thi tawh) zawng zawng te hi nikin nia kaihthawh leh vek tur an nih thu Paula hian a sawi uar hle a, Marthii ngei pawh khan a lo sawi chhuak a (Johana 11:24)

Thihna leh thawhlehna chabi nei tawh tu Lal Isua Krista ngei chuan, vaivuta muhil tawh kan unaute chu Pa thiltihtheihna nen, Vantirhkoh chungnung ber aw nen, mitthi te u harh rawh u, harh rawh u a tihna ngei chuan kan hmangaih kal ta te nen kan inhmu leh dawn a ni. Tunah lungngaiin rûm \hin mahila, Vanah, Lalpa ruala hruaichhohin kan intawkkhawm leh dawn a ni. Van hmun ropui hmangaih ramah khian hlim tawp nei lova intawkkhawm turin nung dama awm te hi inbuatsaih \heuh ang u.