Vengchhung hmasawna Bialtu Minister-in a en

Aizawl East - II bialtu, MLA Pu Lalsawta, Fin. Minister chuan a bialchhung khua/veng hrang hrang a tlawh kal zelah a hmawr bawk nan karhmasa Inrinni  23.6.2018 zing khan Dawrpui a rawn tlawh a. Party hruaitute leh khawtlang hruaitu Local Council, YMA, MHIP, MUP leh Dawrpui Multipurpose Centre Committee Office Bearers ten an lo dawngsawng a. Multipurpose Centre-ah hun tawite hmangin Pu Lalsawta chuan thu a sawi a. Thingpui te inho hnuah Dawrpui vengchhunga sorkar hmalakna hnathawh hrang hrangte a hmunah enho a ni a. MLA Fund a\anga sak - YMA Silver Jubilee building, Upper Bazar, MHIP building, Upper Bazar, MUP building-a Committee Room, Jail Veng te a hmunah a en a. Step, Tuiluankawr, Footpath etc. hrang hrang siam tawh leh
siam mekte a enkual a. Vengchhungin kan nghahhleh >m >m Dawrpui West kawngzauh hna kal mek pawh a hmunah a en bawk. 

MUP-te inrelbawlna atan Rs. 14,000/- a pe a, Khawtlang Duty Room-a dah turin TV a pe bawk a, MHIP-te Steel Almirah a pek bakah YMA-te pawh Steel Almirah pek a tum a, thildang duh zawk an neih avangin  an la indawr mek a  ni. Vengchhung hmangaih taka hmasawnna hrang hranga hma min lakpuitu bialtu kan nei hi a lawmawm hle a. A bikin kan \halaiten an sual chhuah (thisen chhuak khawpin) Multipurpose Centre hmasawnna lo lang zelte hi a lawmawm tak zet a ni. Hawn thuai a nih theih nan a changtu Minister, Pu Zodintluanga lo sawipui a tum thu Pu Lalsawta hian a sawi a ni.