Mitthi sawngbawl

- Dr.Thangchungnunga, M.S.Ortho

Man thih hian eng vang pawhin thi se, a taksaah bacteria, virus, fungus etc. a za tel  teh meuh an awm a. Heng natna hrikte hian mitthi chu an hai bik lova, an tawmna, kan hmul \ona kua chhung a\angin an lo chhuak ve nghal sup sup a, mitthi taksa, a puan velah leh a bul vel boruakah a hmaa lang lo natna hrik an phu luih luih a ni tih mitthlaa hmuh thiam tur.

Hei hi mitthi khawihtute chuan hnar leh hmui tuamna (mask) hman ngei ngei a ngaihna chhan chu a ni. Kutkawr bun ngei ngei tur, heng natna hrik rawn chhuak tam lutuk hi kutah a kai mai ven nan a ni. In tih tlawmngaih a, ti
tur an awm reng lai a lo in rawlh loh a \ha. Natna engvak sawi tur nei lo, stroke, heart attack, tar thi etc pawh kan sawi ang hian fimkhur tho tur. 

AIDS vei, TB, Hepatitis B, C nei thite phei chu pem leh pilh nei reng rengin kut lawnga khawih loh tur, an thisen kher lo, tuihnang a\ang pawhin a kai theih a ni. Thia > leh luak, thisen unit 10 aia tam pek tawhte, thau em em thi phei hi chu an puma thisen siak chhuah vek a, kuanga a rang thei ang bera dah a \ha, an puam in an rimchhe hma bik a ni.

Formalin-a chiu hi a rim chhiat loh nan, a puam vak lohna leh tawih mai lo tura venna a ni a, mitthi reng rengah chuan chiu theih chuan a \ha ber. Thi ngei tawh tur tih hriatsa phei chu, Formalin bur khat aia tlem lo, Syringe 50 cc leh a bun chhuahna tur no ang lam chi, paih mai theih nen inchhawp lawk mai hi a fel ber. A thih fel veleh IV drip line-ah khan bur khat aia tlem lo, bur hnih emaw 50 cc syringe-a chiu luh nghal tur. Hei hi IV, thisen chaw pekna vuahsa nei ho-ah chuan a awlsam in a \ha ber.

Hetianga line a awmsa loh chuan khingkhang ruh hnuaiah 25cc ve ve , hnute hmur hnuai deuh hlekah 25cc ve ve, thin hn