Dawrpui Thlanmual kan hman lai hi

- Zorama, Dawrpui, New Market

Dawrpui Thlanmual kan hman lai hi kum 108 lai kan lo hmang ta reng mai a. Dawrpui Thlanmual hi a tirah chuan a tlangdung chauh kan hmang \hin a, a hmang \hintute chu Zarkawt, Electric (Tuitu Veng), Saron Veng, Chhinga Veng te an ni. Ka hriat theih chinah chuan Tuithiang Veng leh Armed Veng an la awmlo a. Chung hunlai pawh in Dawrpui Thlanmual tih vek a ni. Hun alo kal zel a, Zarkawt leh Electric (Tuitu Veng) ten thlanmual hran an lo nei ta a. Dawrpui, Chhinga Veng, Saron Veng ten kan lo hmang ta a ni.

Kum 1966 March thlaah ram alo buai a zokhaw lam aṭangin Aizawlah mi an lo pem lut zel a. Inhmun lo ram an nei zel si a, khawtlang hruaitu ten Dawrpui Thlanmual zauh a ngai an ti a, tuna a chuan hnuai kan tih hi ram ngaw
durpui thing lian pui pui awmna hmun a ni a. Nungcha te pawh an tam thei hle ṭhin a ni, kum 1968 khan leipui/lo atan ṭheh alo ni ta a. Keipawh hnatlang rual ka nih tawh avangin Saron Veng atangin ka thawk chhuak ve a. Kan vâl upa Pu Zawngauva, (C. Dingthanga pa) leh Pu Sangliana (Zosangzuala pa) te hnung zuiin chung hunlai pawhin Dawrpui Thlanmual tih vek ala ni. 

Dawrpui Thlanmual hi a neitu kan nih avangin i humhalh tlat ang u. Kum tam tak kan la hmang dawn si a, a neitu hming putu ber chu ‘Dawrpui’ kan ni e. Kum tir lama Branch YMA-ina thlanmual hnatlang a koh khan kan thawk chhuak hnem hle a, a lawmawm hle a ni. Tunah hian thlanmual thar neiin hmathlir thui tak lo nei lawk tawh mah ila, tuna kan thlanmual hman lai hi hun engemaw chen chu kan la hmang ngei anga, Dawrpui veng mipui ten neitu rilru pu in, a ṭhenawm ram rawn nek tute, Thlanmual Committee-in a phalloh thil lo ti rute hi vei thar ila, hnatlang awm leh hunah pawh tunhma zawng ai tam thawk chhuak leh thei turin rilru i pu ang u.