Hmui hmul meh

- Dr.Thangchungnunga, M.S.Ortho

Mipa hi chuan hmuihmul kan met deuh vek a, kan hmuihmul, biang leh khabe vela mi hi a ni ber a. Tuma hmuhpui lem lo a in met vek kan ni tlangpui.

A nei leh hausa deuh chuan sap/vai ho hman shaving cream an tat hmasa phawt a, hei hian vun a ven bakah a hmul meh pawh a ti nuam bik a. Mizo te hi thatchhiat vang nge, kan pipute atanga kan lo tih ngai loh a nih vang tih sawi a har hle. Vai len hnu a hmuihmul ziat choh kan ni si a.

He kan hmuihmul leh biang vel kan ziah dan hi, kan duhthawh lutuk chang a awm a, hmai hmul reng reng hi
chhuk lam hawi vek a to awn a ni a. Sam te pawh a pial na lam lamah a awm deuh in a to zel thin.

A meh dan dik chu, biang emaw hmui chung, khabe a ni emaw, a chhuk zawng a meh tur a ni. Hei hian a tona bul kha a zu ti buai lo a ni. Thenkhat duhthawh deuhin, a chho zawng a blade ken a meh kan ching thin a, a fai chu a fai duh. Mahse hmai vun a ti chhe duh a, a mam nalh han na kha a kar phawk zawng a i nawr takah chuan a bul thlengin a che ve tho a, hmai hmui leh khabe te a chik hrup emaw, nalh lo takin a awm phuar thin. After shave an tih mai, rimtui tak pawh hi antiseptic a ni a, hnawih tur neih chuan a tha. Kan ziah pilh neuh neuh leh hmul bul hnai a natna hrik inkhuar reng ho hi a ti hlum thin a ni. I neih loh paw’n sahbawn in silfai leh ang che. 

Hnim awn deuh hlek a ding hi han kuai ngil leh la a bul chu a kau ngei ngei ang, a that loh phah thei, heting tho hi a ni. Vun chhung a, a tona thlenga a nghin avangin a rawn nawr pawng in a rualrem ta lo thin a ni. Shaving blade hriam tha tak hmang thin ang che. A hriam that loh chuan hmul a pawt fan a, a bul lam a ti buai thin.

Tunlaiah natna inkaichhawn theih - HIV, Hepatitis B, C leh vun natna chi hrang hrang a tam tawh a, hmuihmul mehna in tawm loh tur, mahni ta bik theuh neih a tha. Mi in ami phei chu hmang lovang che. Hmai bawl hrep hrup neih i duh loh chuan a chhuk zawngin met thin ang che.