Thingpui Sen Hang

[ 11 July, 2009 | 33 comments ]

- Dr Thangchungnunga, MS (Ortho)
Thingpui in hi kum sang tam tak hma lama an lo chin tawh a ni a. Amah a thil awm, damdawi ti mai ila (Chemical) chi hrang hrang hi an test nasa in an check nasa tawh a. A that lohna aiin a thatna lam hlir hmuh a ni ber a. Chuvangin, thingpui sen hang in hi uar em em tur a ni. Keimah ngeiin ka tawn hriatah pawh zing thawh a, pum alo no nghual a, a nuam lo a nih chuan thingpui sen hang in ila, lak ang hlauhin a reh ang.

Thingpui thlum hi tuman kan ngeih vak lo. Thingpui hang hian pumpui na a tireh a, pumpui na tur a veng a, Cancer a veng bawk a, thisen bal a tifaiin thluakte a tifim a. Hengte avang hian thingpui sen hang in hi uar ila, a man a tlawm a. Tin, Gout nei leh zunkawng tha lo ho tan phei chuan tuisik in chiam a har avangin thingpui sen hang in tam hi tum ila a tha.
Tunhma kha chuan thingpui thlum paw in kha milian/hausa tih turah kan dah a, tunah chuan a ni ta lo. Kan thianpa in, “ Thingtlangah officer-ho an lo kal a, harsa harsa in thingpui thlum paw kan ngaihtuah a, tunah duhtawka in tur kan nei ve ta cheng a, milian/hausa hovin ‘a sen hang kan duh’ an lo ti leh si, changkan dan pawh hi kan hrethiam lo,” a tih ang deuh a ni a.

Tunah phei chuan puipunnaah reng reng a sen hang a tel ta vek mai a, a lawmawm hle. BP san vang leh Diabetis/Cholesterol san vang maia a sen hang in lovin in ve hrim hrim a tha. Nula leh tlangval tan hlei hlei, tisa a ti mawi/mam bawk si. Heng hi USA-ah test-in an lo proved vek tawh a, in teuh teuh mai tur a nih chu! Mahse, thingpuife tui deuh te zawn ve a tha. Mi exceptional- thingpui sen hang in thei miah lo chu a nuai telah chuan an awm ve leh zeuh thin bawk.

DAWRPUI VENGCHHUNG - I

[ 08 July, 2009 | 15 comments ]


New Market-------------------------------------- Zion Street

SBI Main Office kawt-------------------------- Millennium Centre kawt

Kal (Kidney)

[ 05 July, 2009 | 9 comments ]

- Dr Thangchungnunga, MS (Ortho)
Kal (Kidney) hi taksaa organ (bung hrang)-ah chuan a pawimawh berte zing ami a ni a. A pawimawh em avang hian taksa tana thawk reng hi chu hmun thuma thena hmunkhat chauh a ni reng a. A dang zawng hi chu emergency-a reserve a ni a. Chuvang chuan taksa a chakloh em em leh a hah em em pawhin emaw natna avanga mut reng pawhin kal hi chu a thawk tha reng thin tlangpui. Kal hrim hrim thalo neih hi a hlauhawm reng a ni. A hnathawh ber chu taksaina kan mamawh loh thliar fel vek hnu a, zun-a paih chhuak tu-a a ni. Thil hrang hrang a paih rualin gas ang reng ammonia (zun a hinna chhan) te, bawlhlawh nawite a paih chhuak a. Heng neuh neuh hi a paih chhuah that loh chuan natna a siam thei a. A lar ber chu kala lung awm hi a ni. A lo insiam dan chu bawlhhlawh te tak te (etc.) Urinacid Crystal (darthlalang nawi) te ang hi a awm chuan an in belhchhah zel a, a lian telh telh a lungte-ah a lo chang ta thin a ni.

Mizote hi gout (mipa ruhseh) kan ngah em em a. Hmeichhiaah chuan kal leh mit-a lung awm in a lang chhuak tam ber thin. Engpawh nise, kala lung awm tawh leh nei mek emaw zai tawh pawh nise gout (urinacid crystal) vang a nih leh nih loh hi test ngei ngei a tha. An test thin loh avangin lung awm nawn leh hi an tam em em tih hriat a tha. Tin, i kal atha in, a thianghlim tawh tih hriatna awlsamber chu i zun kha a fim kar reng tur a ni. A sen rum chuan i taksaah tui a tlem tihna a ni a, i kal leh thildang tan pawh a tha lo a ni. Hetia a pawimawha reserve a awm teuh avang hian kal thlak pawh a thih theih phah thin a ni. I kal pakhat kha la mahse pakhat khan hmun thuma thena hmunkhat hmangin a la enkawl zo tho che a ni. Mahse i kal neih chhun a chhiat hlauh erawh chuan i buai vek a ni mai. Dialysis kan tih fo pawh hi kal thawk thalo thuah fai a, tihthianghlim a, a pangai anga thawk leh tura siam leh tirna tur khawl a ni ber. Dialysis tih lai chuan kal aiah khawl kha a thawk a, kal kha fai takin a thuah ta thin a ni.

Kal a thawh theih tawh loh tawh zet chuan a dan theih tawh loh a ni ber mai. Taksa vung tam tak hi kan hlau em em a, hlauh tur chu a nih laiin kal vanga vung i nih chuan zing thawhah mit te a bui a, a vung a zual thin. Tlai lama ke vung chi ho hi chu kal vang a ni lem lo tura dah phawt a tha.

Chuvangin kal tha/Dam rei i duh chuan tui thianghlim leh liquid lam chi reng reng in tam tur, zun a fim kar reng tur a ni. Kan blood Pressure control-tu pawimawh ber a ni bawk a, i zun a fim that chuan a hing nep deuh ang.

MNF HOME COMING-II

[ 02 July, 2009 | 9 comments ]



Dawrpui, Bara Bazar 1964

[ 01 July, 2009 | 20 comments ]

VIRUS DAMDAWI A AWM LO

[ 28 June, 2009 | 15 comments ]

- Dr Thangchungnunga, MS (Ortho)
Natna chi hrang hrang, bacteria, fungus te bakah virus hi thlur bing ta ila. Mawl takin sawi ila, hrileng tlanglawn tam ber hi virus vang a ni deuh vek a. Heng AIDS/ HIV te, hepatitis, influenza, khawsik, awmna, hritlang, polio, Japanese, encephalitis, bird flu leh tuna hri leng, Swine flu (vawk hri) te, ui hri te reng reng hi virus vang vek an ni a, a damdawi a awm lo vek.

Chuvang chuan heng laka invenna awm chhun chu, ruih theih thil leh zuk leh hmuam a fihlima, fit tengtawng nih a ngai a ni. Tunah phei chuan Swine flu (vawk hri) a leng mek a, lo hlauh vak pawh awmzia a awm lo. Mihring leh mihring inthawkkhuma inkaichhawn a ni a. Nikhatah hian natna hrik engemaw zat kan hip lut reng a ; TB hrikte pawh kan taksa hian a lo hmet hlum zel a, kan dam mai mai a ni ber. Bible in thianghlim tura min tih hi zawm ila, kan damtlang ang. Heng hri leng mai mai hlau lo tur hian rinna leh hriselna i nei tawk em? VIRUS DAMDAWI A AWM LO. Nakinah phei chuan pulh puk pukna virus hrik avang hian a lo la kal tam telh telh dawn.

I hriat tur chu, hritlang hi virus vang a ni a, damdawi eiin enkawl la, ni sarihah a dam ang a, engmah pe lovin awm tir la karkhatah a dam ang. Hei hian a entir chu - HIV, Bird flu, Swine flu-te hi lo hlau viau suh, “I sirah sang an tlu anga, i ding lamah sing an tlu bawk ang, nimahsela nang chu a hnaih lovang che.......” I ring ngam ang em le?