BRANCH YMA ZAIPAWL INTIHSIAK 2008

Central YMA leh Zonet Cable Network tangkawpin an buatsaih 'Branch YMA Zaipawl Intihsiak' chu Sept. 17, 2008 (Nilai) khan YMA Hall Tuikhuahtlangah tan a ni ta a. CYMA President Pu J.H. Zoremthanga'n a hawng a.

ELIMINATION ROUND : Dawrpui Branch pawh Sept. 18 (Ningani) chawhnu dar 1:00 khan an zai a, an hlachhuam 'Parmawi thang vulna' tih an sa hmasa a. An pawh chhuah 'Sem sem dam dam' tih mawi taka sain beisei sang tak nen result chu an nghak a.
TOP 10 : Top 10 result chu Sept. 23 (Thawhlehni) zanah khan Intihsiakna hmunah hian puan ani a. Inbeiseiru deuh taka kan awm lai chuan a vawi 7-na takah mai min han puang tel ve chu a lawmawm kher mai.
Elimination round-a an sak loh hla pahnih "Turnipui kan do dai" leh "Rual tin khumtu YMA" atangin an pawh fuh zawk zawk Sept. 25 zanah an sa leh dawn a. Veng mite tawiawmna chu a pawimawh dawn hle a, a hmuna kan kal ve theilo anih pawhin mahni awmna hmunah kan lo tawngtaipui dawn nia.

Top 10-a tlingte hi Sept. 25 & 26, 2008 zanah Intihsiakna an chhunzawm leh ang a. Tin, SMS hmangin vote theih ani tawh dawn bawk a ni.

Prize : Pakhatna-Rs.50,000 Pahnihna-Rs.30,000 Pathumna-Rs.20,000 (Top 10 chinin Rs. 5,000 an dawng bawk ang a, Intihsiaknaa tel zawng tan lawmman siam bawk ani)