Home »

Tualchhung News (8th March, 2009)

08 March, 2009 0 comments

Zin : Pu H. Dingluaia, Branch YMA Treasurer chu Nokia Sponsor-in Middle East lamah hmun hrang hrang fang kual turin a thang mek. March 12 vela lo haw tur niin thu kan lo dawng.

Damlo : Pi Thangchungnungi w/o Pu Zothansanga Thana tlang chu hun engemawchen Durtlang Hospital-ah enkawl a nih hnuin Ni 6 March khan dam takin an lo chhuak leh ta.
* Pu Rokailiana te nupa New Market chu Ni 5 March Kolkata lamah in entir turin an zin.

Pem lut : Pu Robert Hauzel te chhungkua pawh Bawngkawn atangin Pi Lalngheti In Upper Bazar ah an rawn pem lut.
* Pu Lalhmangaihate chhung pawh Chhinga Veng atangin Pu V.Laichhinga Building, New Market ah an rawn pem lut
* Pi Lalkhawngaihi te chhungkua pawh Zonuam atangin Pu B.Darchhinga Building Dawrpui West ah an rawn pem lut.

Training : Pu Vanlalbika, Branch YMA Secretary pawh 6 March khan Central YMA Committee room-ah ‘Training on million Plus City Project of Satellite Imaginery Ward Map’ -ah Branch aiawhin training-ah a tel.

Kaisang : Pu Aldrin Lallawmzuala, Jail Veng chu Asst. Advocate General-ah a kaisang niin kan lo hria a, kan lawmpui a, kan chhuang hle. A hna atan duhsakna kan hlan e. Amah hi hun engemaw chen Guahati lamah a zin a, tunah chuan alo haw leh ta. A nupui Pi Masangi erawh chu a hna atana Training neiin ala chambang hrih.

Secretary Lian : Pi Lalrinkimi w/o B. Lalvuana, Jail Veng chu Mizoram Presbyterian Kohhran Hmeichhe Inkhawmpui Lian Secretary atan ruat a ni.

Zu Bawk : Tunlai hian Dawrpui vengchhung hmun thenkhat laiah Zu zuar (standing) an huangtau leh ta hle niin a lang a. Fimkhur turin kan ngen a, mi tupawh hetiang mi kan hmuh chuan YMA hruaitute emaw VC-te hnenah hriattir vat zel turin kan inngen a ni.
* Tunlai hian Dawrpui South leh West velah Zu leh damdawi ruih ching (hnamdang mi pawh huam telin) midangte tana hnawksak awm nia thudawn a ni a, thuneitu lamin enfiah thuai an tum thu dawn a ni.
Duty : March 1, 2009 khan Vanapa Section chuan an Area-ah Duty neiin Zu leh ruihhlo chi hrang hrang bakah mi awmtha duhlo engemawzat an man a, March ni 7 (Inrinni) nileng khan Electric Veng VDP-te nen duty lehin mi thahnem tak leh ruihlo eng emo zat man a ni. Duty hi neih chhunzawm zel tum a ni a, member te inpekna a fakawm thin hle.

Chapchar kut : March 13, 2009 (Ningani) khi Chapchar Kut a ni a, he kut hi A.R Ground-ah lawmna pui ber neih tur a ni a, kan Branch pawh Sarlamkai leh Cheraw entir turin an inpuahchah ve a, veng mipuite a tam thei ang berin i tawiawm ang u.

0 comments »

Leave your response!

Han sawi ve teh le.