Thin (Liver)
18 April, 2009
4
comments
Thin (Liver) hi kan taksaah chuan a pawimawh berte zinga mi a ni, thluak leh thin hi an that loh a hlauhawm em em a ni. Kan thil ei ka-a lut kan lem reng reng hi thin hian a lo thet darh a, a hmanna tur awm thei ang chi chu an thawn chhuak zar zar thin. Zu i lo in a nih chuan taksa tana pawilo thei ang ber turin an chan darh a, a chemical chain kha an siam danglam vek a, a tawpah chuan mihring tana hlauhawm lo thei ang berin Ethyl Alcohol-ah a siam a, thisenah a kual vel ta thin a ni.Mit (Eye) chhung tuia a luh hian a chhuak ve leh zung zung thei lova, chuvangin zu in reng reng chu an mit a vai hmasa ber thin. Thisenah hi chuan darkar 8 vel bak an awm lova, zunah hian darkar 24 lai an chambang thei a, mitmu tuiah phei chuan darkar 48 lai Alcohol hi a awm thei a ni.
Chutiang tho chuan kan ei leh in zawng zawng hi a thetdarh a, Vitamin, Minerals, Protein, Fats, Carbohydrate leh thil dang dang taksa mamawh chi reng reng thliar hrangtu a ni. Duat em em a ngai a, thin hian ngeih loh deuh deuh a nei a, Zu te, damdawi chi hrang hrang, a mawl zawngin nachhawkna hote hi rei tak ei chuan a chhiatpui ve a. Chuvangin kan thluak tih lohah chuan nunna hnar ber a ni. Zu, zuk leh hmuam, sahdah leh khaini te hian a Cell an tichhe hma bik a, heng ho hi tih loh a tha.
Thin = Liver
Thinchhia - Bad Liver
Thinlung - Liver heart
Thinlai - Middle/central Heart
Middle/central Heart hnemtu ka tawng dah lo'ng maw tiin ka kiu vawng vawng a....
Hetiang thu bengvar thlak dahna chang kan han hre leh zel hi chu a va lawmawm em......
Mizo te hian thil tih hi kan thiamin hma kan sawn ta takzet a ni....
Zuk leh hmuam ka tih nasat vang a ni maw ka CELL PHONE chhia Kolkata-a ka thawn tir pawh an siam that theih miah loh. Chuti chu zu in chak deuh chuan zurui hi vel i la, a mit tui lo in i la PURE ALCOHOL kan in a ni mai a lawm....