Home »

Tuitla venna

03 May, 2009 7 comments

-Dr Thangchungnunga, MS (Ortho)
Tunlai chu khua athal leh ta a. K.T.P., YMA, etc. nula tlangval mi puan su a, in hlawh a tlawng/serlui a kal an awm leh teuh tawh a. Vanduaithlak takin hmanni lawk pawh khan boralna a thleng leh tawh a. Chuvangin tun hma pawha an lo tih thin dan, leh nunna tam tak kan lo chhan tawh thin dan awlsam si, tha si hi sawi ka duh a. Hetianga a huho a picnic/huana an kal reng reng chuan an thlen veleh a hotu berin mau tlawn sei thei ang ber pahnih vel sat sela, insuk/picnic-na bulah lak mai theih a dah tur. Tla an lo awm palh pawhin, mau tlawn kha va pek a, hnuh chhuah mai tur a ni.

Tui tla reng reng hi vawi 2 emaw, vawi 3 emaw tal an rawn lang chhuak thin a. Lang miah lova tla nghal vang vang chu sawi tur an awm ve zeuh zeuh. An hlauh thawn hian an bula thil awm reng reng man an tum a, chuvangin tui thiam tan pawh va chhan mai ngam a ni thin lo, an vawn hi an thlah tawh lo a, an tlak pui fo tawh tih pawh kan hria a, chuvangin mau hmawr kha chu a lo man ngei ngei dawn a. Hetia tih ziah anih chuan nunna engemaw zat kan chhan thei ang. Class VIII, St. Pauls High School pawh kan picnic a. Kan thian pakhat hleuh thiam meuh silo in a laiah a va hleuh a, chutih lai chuan Electric ban hi a pil zan a, a tal buai ta a, kan zirtirtu zing ami Dominic Lalhmangaiha (ADC Kulikawn) kha lawng leng atangin chhan tumin a va man a, an pil dun ta vang vang a, rei fe hnuah Dominic-a chu a rawn chhuak hlawl a, lawngah kan lo pawt lut a, “Engtin nge, eng nge i zuk tih?” kan ti a,”Tal chhuah ka zuk tum” tih chu a chhanna a ni.

Chuvangin tui tla in ham buai lai taka hman tur mau tlawn sei pahnih tal in chhawp zel ila, nunna tam tak chu kan chhan ngei ka ring tlat a ni, keimah ngei pawhin ka chhan tawh miau avangin ho te, tha si hi picnic spot ni lo tlawng/serlui vela in ti hlim duh chuan hei hi hre reng sela ka duh khawp mai.

7 comments »

  • Craftsmen said:  

    sacte-i pa thuziak chu thra hle mai..Hriatbelh leh ta tuar mai..Blanket suk leh chakom toh hehe...

  • Lalruata said:  

    Tui chu cheng lo ila tlak a hlauhawm loh!

  • Unknown said:  

    Mithiam te thurawn zawm nachang kan hriat hun apaingah harsatna tamtak kan pumpelh thei ang......

  • Bja Hauhnar said:  

    Mau tlawn sei deuh pawh nei mah i la tuiah an tlak hlum miau chuan mau tlawn kan pu sei thlawn a va ang dawn ve. "....mau tlawn sei pahnih tal in chhawp zel ila.." a ti ringawt a, nge ni a tui tla mek a khan mau tlawn khan li mawng a zuk hawlh anga a in pole vault chhuak dawn?.....hee eehh

  • Bja Hauhnar said:  

    E! ka hre leh si, ka lo chhiar kan a nih khi. Mau hi tui tla venna alo nih chu. Lawng a i chuan hunah mau tlawn sei 2 ken tel ziah tur a ni maw. Titanic anga lawng a pil thut pawn..heheheh

  • A_es said:  

    Tui chu tlak duh re2 loh tur, tlak pon a hnuaiah vah chhuah dap xel mai tur...

  • burgerstud2005 said:  

    Cheng lo ila kan him ber..cheng lo la a ni mai lom.

  • Leave your response!

    Han sawi ve teh le.