Social Nite & 2010 OB thlan
06 December, 2009
4
comments
December 3, 2009 (Ningani) zan khan Dawrpui Sikul Hall-ah, kum 2010 atana Dawrpui Branch YMA hruaitu thlan pahin Social Nite hlimawm tak hman a ni. Hemi zan Programme hi hun hnihah then niin, hun khatnaah hruaitu thlan a niin inthlanna felfai tak tluang takin hman a ni a. Inthlan result puan a nih hmain hun hnihna hman chhunzawm leh a ni a, inthlannaa kan R.O. Dr. C. Zarzoliana (Upa) chuan inthlan result a puang a, Vote tla zawng zawng hi 132 a nih thu a puan zawhin, thlan tlinte chu heng mite hi an ni, tih a puang zui nghal :-
1. Pu Chhawnkima Pachuau 2. Pu Rosangliana (Masanga) 3. Pu Vanlalbika
4. Pu Lalrammuana 5. Pu VR. Hmachhuan 6. Pu Lalhlimpuia Khiangte
Heng thlan tlinte hian an nihna tur an invuah fel anga, kar khat chhungin kum 2009 Branch hruaitute nen charge an inhlan fel ang.
Ka line up lehkha te a sem tur ka print hman lova ka sem talo a, mahse kan thlanchhuah te hi an tha khawp mai. :) A lawmawm e! Kan Branch YMA kan vanneih em2 na chu OB tur tha tak2 hi kan ngah a, a chang phei chuan thlan tur ber kan hrelo fo thin. Mahse member te pawhin thlan dan kan thiam sawt khawp mai.
YMA DAM RENG RAWH SE!!!
Kum tharah chuan rilru thar nen kan hruaitu thlan tharte hi i tawiawm ang u. A thlang tlingtu tena kan phatsan leh si chuan, an mahni chauhin pawl an kaihruai tha thei dawn chuang lova, an thachhang dawltu kan ni tih hre rengin, kan hruaitute hi i phatsan lo ngam ang u.
Mihringte chu tumah famkim kan awm lo a, thatna leh thatlohna lai nei vek kan nia. OB thlan poh hi an duh vanga in nominate leh tlin tum poh an ni chuang lova (MLA inthlan nen chuan khaikhin leh anmahni beisei zui ltk chi poh ani lo). An thatlohna lai sawisel zel mai lovin theihtawpa tawiawmtu tur mai kan ni. YMA OB tha tak2 Pathianin min pe leh ta a, a lomawm hle mai. Beiseina sang tak nen kan lo thlir e, keini lam poh kan theihna mual2ah an hnung zui turin tan han la leh ila...
A_es ka support a che.....