Home »

Kumthar Thuchah-Faina leh thianghlimna kawngah

05 January, 2010 3 comments

Hun leh kumte an her liam zel a, a tharin a rawn inher chhuak mek zel bawk a. A ngai rengin Ni a chhuak a, tin, tlai lamah a tla leh a. Danglamna awmlo a ngai hi keini mihringte hian kum leh ni te kan ruat ve avang hian danglam riauin kan lo hre ta mai thin.

Hun thar leh kumtharte kan lo chuankai hian hun hmasaa kan ngaihdan leh awmdan ngai, tha silo ang renga awm lovin; tih dan tha zawk leh ngaihtuahna tha zawka kan hun lo la awm turte keimahni insiamtharna nena kan lo chuan chhoh hian kum thar hi a lo lawmawm zual thin ka tihna zawk a ni. Ram leh khawpuite dinhmun tehna ber pakhat chu - ‘A faina leh thianghlimna’ kawngah a ni. A len leh ropuina, In chhawng san lamte hi a ni hmasa ngai meuh lo. Chuvangin fai leh thianghlim hi a pawimawh hle a ni tih a lang chiang a, hriselna a ni bawk. Mizote hian khawpui chhung in leh a vel vawnfaina chungchanga kan harhchhuah theih hrih lohna chhan ni a lang pakhat chu - Kan rilruin a pha hrihlo mai ni lovin, ‘Mahni hma kan sial vang’ a ni. Kan In chhung, Compound-te hi a faia a that dawn phawt chuan kan duhtawk thin, chu rilru avang chuan kan In bul luikawrahte kan bawlhhlawh kan chhung a, leivungte kan paih a. Kan rilru chuan kawmthlangte lo tihfai atan kan hnutchhiah ta mai thin. A tawpah phei chuan kawng laiahte tui chhia a luang hum hum a, Sawrkarin a mawh a la leh lo thei thin lo a ni.

Kan thianpa pakhat German tlangval Berti Hipps chu, ‘Enge Aizawl chu ang i tih?’ tiin an zawt a. A ni chuan “A Uih” (It’s stinking) tiin a lo chhang tawp mai a ni. Kan Septic Tank Soak Pit kal dan leh a rimte a thain a fel em? Kan tui Pipe-te hi a kalna turah a kal tha em? Kan bawlhhlawh paihtute hian engtinnge an paih a, khawiah nge an paih thin? Khawlaiah kan thil eina hawng leh a funnate, kan kuhva ei tuite chhak in, bangah leh banahte chinai kan tat mai thin em? Sawi tur tam hle mah se, vawikhatah chuan kan sawi seng lovang. Heng kan sawi tak maite pawh hi chhungkaw nu leh pate hian kan bengkhawnin kan ngaihtuah hle tur a ni. Mi hmuha lang lo tura thuhruk, kilkhawr taka thil paih chinte hi a thalo lehzual. Tihfai leh a har thin em avangin.

Kan VC-te hi vengchhung faina leh thianghlimna kawngah an fakawm hle. Hma an la reng a, Sawrkar hmangin remchannate an chawchhuak a. Mahse mipuiin kan tawiawm loh chuan an mahni ringawtin thui tak an kal thei lo, kan ngaihtuahna hmanga thinlung taka kan Support an ngai. Singapore chu a fai leh thianghlimna avangin a hmingthang hle. Mizoram hi kan ram a ni a, kan ta vek a ni a, i duatin i chei fai ve ang u. Kan ram ti hmingthatu a lo ni thei mial ve mahna!
- Vanhmingliana (Taua)

3 comments »

  • Anonymous said:  

    Theoretically, ones Whirlpool is not very your new standard halogen the oven, despite the fact that
    transfers the very halogen culinary arts component about
    in its electrical power ranges. Similar the camera brand
    names look pretty secure all around the desolate
    man point-and-shoot digital video cameras. An alternate
    advantage linked Krups the oven definitely is his resonance 100 % free operation; it get the depressing
    audio quality the minute operations like the majority of ranges.


    my website :: toaster oven toaster Combination

  • Anonymous said:  

    Blend and finished that has a varnish. In the event food preparation belongings in your family short wave, watch out for its offered making food
    amount of times a good idea from the brand. Most people have a good start function, to let you evaluation bakery at the toasting absorb at any time.
    It turned out a great meatloaf, , i by no means discussed meatloaf without using strawberry following.
    Pau d'arco start barking will have loads of germ-killing things.

    Visit my web blog classic toaster oven broiler ()

  • Leave your response!

    Han sawi ve teh le.