Home »

STROKE

20 March, 2010 3 comments

He tawngkam hi Mizovin a anpui kan nei lova, Stroke kan ti zel tawh mai ang chu. A nat dan hi vawi leh khata engmah hre lova tluk thut emaw taksa chanve che thei lo emaw, tawng tha thei lo, taksa puma che tha theilo, zeng ang deuhin a rawn awm thut thei. A chhan hi tam tak a awm theih laiin an lo zen chhan ber hi chi hnihin a thliar theih a. Pakhat chu thisen dawt bal (Clot) thisen khal emaw in a hnawh thei a, pakhat leh chu thisen dawt a puak keh thin a ni.

Thluak hi pahnih a ni a, vei lam leh ding lam a awm a, a lai hi a kawrawngin tui luanna kawr ang deuh, engmahin a khuh ve loh laiah hian luruh phek chungah thisen dawt pali thluak supply-tu a inphah a. Hei hi a kualin a inzawm vek a, ‘Circle of Willis’ an ti. Taksa danga thisen dawt hi chu a vengtu, tuamtu tihrawl leh thau a awm a, an tuam bet tlat a, thluak ami hi chuan tuamtu a neih ve loh avangin BP sang thutah te a puak keh mai thei ta a, chu chu Stroke awm duhna chhan a ni fo. Tin, Diabetes (Zun thlum) te, lung chaklo te, Cholesterol (Thau chhia) taksa a tam lutuk hote hi thisen dawt atanga a tawlh sawn emaw, thlawn emaw chuan helai kualah hian a tang duh bik a, Stroke siamtu chu a ni ta tho mai. Chuvangin Stroke theuh theuh a puak keh leh a hnawh ping chi hi a enkawl dan a dang daih a, mahni rin thu a, mi stroke damdawi ei ang lo ei ve ngawt te hi a tih chi loh.

Tin, lung thalo leh zai (Operate) tawh hote Aspirin tab an ei tir reng nachhan hi thisen khang palh a awm anga, stroke emaw lung supply-tu thisen dawt a hnawh pin an hlauh vang a ni ber. Hei hian a entir chiang tak chu, sa leh sathau, vawksa thauah hian Cholesterol hlauhawm ber a tam bik a, taksa fit lo lutuk te, thau lutuk te, taksa che tlem lutuk te a tha lo tih a hriat theih ta mai a ni. Chuvangin i ha kha bawng ha ang chauh a siam a ni a, sa ei tura duan chu kan nih loh hmel. Sa ei chi chuan ngho leh ha hriam tak an nei zel ang, mahni in enfiah rawh.
- Dr Thangchungnunga, MS (Ortho)

3 comments »

  • Lalruata said:  

    Keichu hmaaaan ah ka pa'n stroke a nei tawh....

  • Bja Hauhnar said:  

    Stroke hi paintings ah chuan a pawimawh nen nen

  • A_es said:  

    Keichu tumah ka la stroke ve ngai lo, ka chhungten anla phallo sim2 :)

    'I ha kha bawng ha ang chauh a siam a ni a, sa ei tura duan chu kan nih loh hmel' tih anih khi aw...

  • Leave your response!

    Han sawi ve teh le.