Home »

Pi Lalbiaki kan chan ta

11 February, 2012 0 comments

Pi Lalbiaki (K-90) m/o Pu Rochungnunga (Dawrpui Br. YMA Vice President) Medical Quarter hi November 12, 1922 khan Lungleng khua-ah a lo piang a. A pa hi zirtirtu Kamlova (L) niin, a nu hi Saithangpuii (L) a ni. An unau hi mipa panga leh hmeichhe panga an ni.Kum 1945 ah Rokhuma s/o Thangruma (L) nen an innei a, fapa 2 leh fanu 4 an nei.
Kum 1934-ah pawl 3 a passed a. Hetih hun lai hian thingtlangah pawl 4 zirna a awm loh avangin, ‘Pi Zaii School’ tuna P.C Girls School lo ni ta atang hian kum 1937 khan pawl 6 a zir zo leh a. Lehkha zir chhunzawm zel duh mahse, khang hun lai khan Mizoramah High School zirna a la awm loh avangin a zir chhunzawm thei ta lo. Hemi a nih avang hian apa in Durtlang Damdawi inah Nurse zir turin a dah a. Heng hun lai hian Nurse zir duh hi an tam lo va, kum chuti zat, pawl chuti zat tih pawh a la awm lo. A zir duh a piangin a zir zel a. Ani pawh hian naupang te a nihin a zir a. Dr. Pi Puii hnuaiah zirin kum 1943, Febuary ni 27-ah Nurse leh Midwifery Certificate hlan a ni.
Nurse a zir zawh hian Aizawl Civil Hospital-ah Staff Nurse Post a lo awm lo va, Female Attendant in a thawk

a. Kum 1949-ah Staff Nurse Post pahnih sanction a ni a, Sorkar Damdawi inah Staff Nurse thawk hmasa ber a ni. Kum 1976-ah Sister-ah kaiin Serchhipah dah a ni a. Aizawlah sawn a nih leh a, hemi hnu hian Asst. Matron-in Champhaiah dah a ni. Kum 1985-ah Aizawl Civil Hospital-ah sawn leh a ni a. Kum 1986 November ni 1-ah a pension ta a ni.
Kohhranah engmah tangkaina a nei lo a, Pathian biak inkhawm hi a theih tawk a ni a, chu lo chu chhung inkhawm a ngaipawimawh hle a, a hla duh ber chu KBH No. 250-na, ‘Khawihah pawh Lal Isua nen chuan awm i la’ tih hi a ni. Kum 2011 chhung khan Sunday school-ah kaikim lawmman a dawnga. A mah thlah nan hian KBH. No. ‘Kan Pathian Hmangaihna Thukzia’ a thlang a ni.
Mi hrisel tha tak a ni a, tar lamah a khel ding lam ruh a tha lova, kal a harsat hle chungin inkhawm hi a thulh ngai mang lo. Vawiin Feb 11, 2012 zing khan an tih dan pangngaiin an awmpuinu Ziri nen Chhung Inkhawm an nei zova, bazar-na tur pawisa pawh an awmpuinu hi a pe diam a. Inthiarna a a inthiar zo chu a buai ta a, Aizawl Civil Hospital Casualty-ah lak chhoh nghal niin, Doctor leh Nurse ten theihtawp an chhuah chungin, zing dar 7:00 khan Lalpa hnenah min lo chawlhsan ta a ni.

0 comments »

Leave your response!

Han sawi ve teh le.