Home »

Kang durh

25 February, 2018 0 comments

- Dr.Thangchungnunga MBBS MS (Ortho)
Tui sa/so / meialh vanga kang hi tui vawta silfai vat a, kan Mizo damdawi, kang damdawi te, artui chhung mu te, aloe vera zai pana bel te hi a durh hma a tih theih ani a, a ṭha ber chu damdawi thiam awmna pan vat ani na a, pan ta lem lova awmpui ta mai, durh puar lungte kan hmu fo ṭhin. He kang durh hi tih keh loh tur ti pawl an awm a, a tawpah hnai la leh dam fel thei lo in a awm phah ṭhin.
Tunlaiah chuan khaw tinah damdawi lam thiam an tam tawh a. A lo durh puap chuan tih keh a, a vun chhia kha paih fai vek a, damdawi awm ang ang, silverex te hnawih emaw, saphai thau, aloe vera te-a tuam hnan mai a ṭha.
A durh tih keh ṭulna chu a vun kha a thi tawh a, tui chhia a rawn chhuak a, chu chu a durh puar kan tih chu ani ta
ani. Vun thi tawh leh tui bal chu natna hrik pian duhna ani a. Tih keh a, a vun chhia paih veka, hliam damdawi, betadine, silverex emaw a awm awm hnawih a, tuam a, nitin tihfai a ṭha. A nasat loh phei chuan a hil vat a, a ser nasat loh nan oil, olive oil, saphai thau, hmehchhuah chi hrang hrang kan neih/hmuh theih ang ang; Neosporin-te pawh hnawih mai tur.
Kang durh kher lo, ke innawt avanga durh te thlengin tihfai vat a, hliam pangngai anga enkawl hi a ṭha ber. A chhan chu vun thi tawh chhungah tui bal a awm reng hi taksa tan a ṭha lo ani.
A tak ngei in Civil Hospital, kan chaw chhum, gas puak-in a kang a, a taksa pum chu a durh chhuak deuh vek a, ṭhenkhatin tih keh loh tur an lo ti a. Operation room-ah ka la lut a, kan chiu mu a, silverex ointment-in kan tuam a, thla khat alo ral meuh chuan vun pangngai vek alo ni, ser pawh a nei lo. A tenau a nih chuan kahhitna Xylocaine emaw a pangngai pawh leih a tihfai vat a ṭha ber.

0 comments »

Leave your response!

Han sawi ve teh le.