Heart Attack

NANGMAH CHAUHA I AWM LAIA LUNGPHU ṬHALO (HEART ATTACK) AWM THUT LAKAH ENGTIN NGE I HIM TAK ANG?

Engtik lai pawhin Heart attack hi a awm thut thei. Chutiang a nih chuan midangte ṭanpuina sawm vat hi tih tur hmasa ber chu a ni ang. Midangte nena in awm lai a nih chaun i buai lo  pawh a ni thei e, mahse mahni chauha awm hun a awm \hin a. Tah tak chuan engtin nge thihna i pumpelh theih tak ang.

Heart attack nat dan leh a lo chhuah dan hriat a pawimawh a. Natna dang lak aṭang pawhin kan hre hrang vat tur a ni. Hengte hi a nat dan tlangpui chu a ni :

1. Awm vel a lo nat vakin.

2. I nghawng, khabe leh i ban bul vei lam i awm na chuan a khawih in.

3. Thlan tla bawrh bawrh.

Heng kan han sawi takte hi upa tawh lam deuhte an ni chawk a, zunthlum nei leh hmeichhiate hian tiang lo deuh
pawhin an tawng thei. Chutiang chu thawk sak leh harsa chauh ni lo, luakchhuak nghulh, awm lam na riai riai leh pumpui chunglam a na te pawh a ni thei. Chutianga i awm reng reng chuan i thil tih lai kalsanin damdawi lam tanpuina ngaihven vat ang che.

Dan tlangpuiin heart attack lo chhuahna chhan hi thisen zam thenkhat kal lai a khang hian a lo awm thut thei a, chung thisen zam chu lung a peluttu an ni thin a. Hei hian lungphu chawl a siam thei a, rang takin lung tihrawl a tichhe nghal thin. Aspirin damdawite ei nghal a tha a. Chu chuan thisen dang khang mai thei zel turte chu vengin nasa takin a khang zel tur a veng thie. 

Mahni in daktawr chawp chi ang reng reng kha tih loh tur, a tha ber chu rang taka damdawi thiamte tanpuina zawn vat kha a ni mai. Kan hriat reng tur chu khuh vak vak khan a tanpui lem dawn lo che tih hria ang che. I lung a lo nat thut chuan. Thil thenkhatah chuan hna khuh theihte pawh kha a tha a ni mai thei, mahse lung lam buai thutah chaun a ni miah lo a nia.

Lung lam buaina tawk te hi, zaa sawmsarih (70%) vel hi record-a a lan danin vantlang hmunah emaw inah emaw a ni thin. Hun tam zawkah chuan buaina tawkte bula awm chu engmah tanpui dan pawh hre lo (bystander), a thente chu thiante, a then chu kawng kal ve mai te pawh an ni thin. Heart attack nei an awm thutin CPR (Cardiopulmonary Resuscitation), awma thawk pe thei zawnga nem theite an awm chuan thihna thleng mai thei chu awl taka pumpelh thei a ni bawk. Hetiang hi zir thiam ve ngei a tha hle a n.

Heng thilte hi lung tha tak i neih theihn nan i nunah lo vang ang che.

1. Mei zuk bansan rawh.

2. I cholesterol leh blood pressure control la.

3. Thau lutukna (obesity) leh zunthlum enkawl tha rawh.

4. Lung lam neigh chi thil ei thin ang che.