- Rev. Lalramchhana (RC-a)

"Mizo Khawtlang Inrelbawl Dan: Hmanlai leh Tunlai” tih article internet-ah ka chhiar fuh a, a ziaktu chu Lallianchhunga, MZU a ni a, a ngaihnawmin a bengvarthlak khawp mai. Hetah hian a thuziak han sawichhawn ka tum hran lo va, mahse a thuziak tawp lama a sawi hi han sawi zui a ṭhain ka hria a, tawite han ziak ila a ṭha awm e. Hmanlai aṭanga tunlai  thlenga “Mizo khawtlang hruaitute lung ti leng a, an awmna khua/veng ṭheuha an kenkawh reng tura an duh ber a awm a, chu chu ‘khawtlang inlungrualna hi a ni kan ti thei awm e.” He thu tak hi han sawi zui chakawm ka tih chu a ni. 

Khawpuiah kan awm a, mi chi hrang hrang kan fuan khawm a, mahni veng/khua tih dan chi hrang hrang kan chhawm lo thei lo va. Zawhna lian tak nia ka hriat tak chu, tun laia kan khawtlang hruaitute hian khi article-in a sawi ang khi an lung ti lengtu leh kenkawh an duh ber a ni zel em? Kan rorelna hian khawtlang inlungrualna lam a hawi reng em? 

Hetia kan sawi avang hian chu chu a fuhlo kan ti a ni lo va, kan khawtlang hruaitute hian hmanlai aṭanga an dah pawimawh leh vawn nun zel hi ngaipawimawha vawng nung zel turin kan duh tihna a ni zawk a. Tunlaiah chuan

- Dr.Thangchungnunga MBBS MS (Ortho)

Tui sa/so / meialh vanga kang hi tui vawta silfai vat a, kan Mizo damdawi, kang damdawi te, artui chhung mu te, aloe vera zai pana bel te hi a durh hma a tih theih ani a, a ṭha ber chu damdawi thiam awmna pan vat ani na a, pan ta lem lova awmpui ta mai, durh puar lungte kan hmu fo ṭhin. He kang durh hi tih keh loh tur ti pawl an awm a, a tawpah hnai la leh dam fel thei lo in a awm phah ṭhin.

Tunlaiah chuan khaw tinah damdawi lam thiam an tam tawh a. A lo durh puap chuan tih keh a, a vun chhia kha paih fai vek a, damdawi awm ang ang, silverex te hnawih emaw, saphai thau, aloe vera te-a tuam hnan mai a ṭha.

A durh tih keh ṭulna chu a vun kha a thi tawh a, tui chhia a rawn chhuak a, chu chu a durh puar kan tih chu ani ta

Pi K. Zothanpuii, T. Sect (Jail Veng) chuan a fapa Michael Lalthlamuana 9 Jan, 2017-a chatuan ram panta thih champha denchhenin Feb ni 9, 2018 (Zirtawp) zan khan Dawrpui Branch YMA-ah ruang kiltute ṭhutna tur cushion dup nuam tak 10 zet a pe.

- Vanhmingliana (Taua)

Thianghlimna kawngah hian kan Veng-Dawrpui hi lawmman lâk chu a har ngawt ang. Zoram puma ‘Kei ka ni, hengte hi ka thil neihte chu an ni’ ti zawng zawng deuh thawte hian an phur lutin an phur chhuak a.A duhin an duh tawhloh an hnutchhiah ringawt a, tlema alo fel deuhten polythene-ah dahin kan vantlang bawlhhlawh bawm hunah an dah khat ṭun a, bawlhhlawh motor-a paih peih silovin. A hahthlak hle mai! Chuti chung pawha veng enkawl fai lawmman kan han dawngte kha, veng enkawltu leh neitute hmalakna ṭha ani tih loh rual ani lo.

MLA bialtu, Local Council -te hma laknain kan vengchhung pawh a thianghlimin a mawi sawt hle e. Dawrpui tlâk lam phei chu a hrehawm ber ṭhin kha a nuam ta ber emaw ni chu aw tih mai turin a faiin a en a nuam hle mai. Nimahsela, a mipui chengte leh kawng kal velte hian zir tur kan la ngah hle mai thung.

Tuihawk luankawr awm lovin kawng a ṭha rei thei silo va. A awm lahin bawlhhlawh paihna emaw kan ti mai zel a. Luikawra saidawium leh plastic tui bur ruak, polythene paihte chuan tui kal tur a dang kh^wm a, bawlhhlawh

Dawrpui Presbyterian Kohhran chuan Dawrpui Kohhran Centenary lawmna chu a kalpui chho ṭan a, Feb ni 3, 2018 (Inrinni) zan khan Centenary mei det leh Biak in chunga Centenary ziahna te chhi engin sky lantern eng emaw zat chhuah ani bawk. A tuk Pathianni khan Centenary Dâr te vuain nileng leh zan chu Centenary hawnna programme-a hman a ni. Jan ni 11 tuk khan Centenary Run an lo nei tawh bawk a ni.

Kumin 2018 chhung hian a lawmna chi hrang hrang kalpui a ni ang a. kum tawp lamah a lawmnapui ruai nen hlim taka hman tum a ni.

- Dr.Thangchungnunga, M.S.Ortho

Hmanlai aṭang tawhin hnamtin hian ran vulh chi eng emaw hi kan lo nei ṭheuh mai alo ni a. Khawvel ram hrang hrang hnam pil ril taka awmte pawhin an lo nei ve zel a. A awmzia ber chu ṭuan-leh-mâng aṭang tawha mihring leh ran hi lo inchul nel tawh kan ni, a bikin a tam ber chu zawhte leh ui te an ni tlangpui, ṭhenkhatte phei chuan an khumahte hial pawh an mutpui ṭhin.

Hetih rual hian kan hriat reng tur chu hriselna lamah min tibuai thei hle. Tunhmaa khuahkhirh an nih hma phei kha chuan rulhut chi hrang hrang - santen leh kawṭhalo hri pu darhtu bulpui ber kan ti thei awm e. Tunah erawh chuan khawchhungah ui leh zawhte bak chu awm phal ani ta meuh lo a, a ziaawm sawt ta hle mai.

Kan changkang telh telh a, ek in te neiin, pheikhawk bun te, inchhung leh a vel tih fai ṭhat, ei leh in fai fel zawkte