Home »

Dawrpui West leimin

31 July, 2010 9 comments

July 28, 2010 (Nilaini) zana Aizawl leh a chheh vela ruah nasa tak sur chuan harsatna hrang hrang a thlen a. Inkalpawhna kawng lei min avanga kal tlang theihloh (tlai lamah chuan a tlang leh hlawm) a awm nual a, leivungin in a hnawl bakah nunna chan hial pawh an awm bawk. Hliam tuar, damdawi ina dah ngai hial khawpte pawh an awm a ni.

Heng zingah hian keini Dawrpui khawtlang pawhin harsatna liam tham ve deuh kan tuar a. Dawrpui West-a Pu R.S. Thanga building kawt chu a chhak Civil Hospital ram leimin avangin kawng a hnawh ping hneh hle a. Pu RS-a te building kawngpui an kawngkhar phei chu hawn pawh hawn theih loh khawpin leivungin a dal a, thlang lam tukverh atangte in eng tin tin emaw an chhuak thei hram a ni. Mihring thi leh hliam erawh an awm lo hlauh.

He leimin thianfai tur hian zingah Vantlang Hnatlang koh nghal a ni a. Amaherawhchu, leimin hi a len tham em avangin mihring tha a kuta han then mai chi a nih loh
bakah Civil Hospital lam atanga tui kal a tawp mai loh avangin lei tawlh a la awm deuh reng bawk. JCB hmanga hnathawh nghal a ni a, a hmunhma a chep deuh bawk nen thawhsawt a har hle. Kan VC lamin pa chan changin an buaipui a, JCB a inhai a, a lei paihna motor parking a awm hleithei chuang si lo a, a buaithlak hle. JCB-te hi sorkar lamin a tirah chuan an rawn tir a, amaherawhchu, an hman rei lo. Kan VC-te’n JCB dang leh Truck-te hire-in lei/chirh paih hna hi chhunzawm zel a ni a, Zirtawpni kha chuan Pu RS Thanga In tana hlauhawm zual chu thenfai a ni tawh a, la chhunzawm zel tur a ni. Kan VC-te hmalakna a thlamuan thlak hle. He chanchin kan buatsaih lai thleng hi chuan kawng hi ala tlang lo a ni.
Leimin na chhan niawm hi hriat mai theih a ni lova, damdawi in tuichhe paihna (nullah) hi a hnam nual tawh a, tuikawr atana an siamah hian tui a luan fumfe lohna a rei tawh hle a, a hnuai leiah hian hun rei tak a lo relhru reng tawh a ni maithei. Hemi avang hian Dawrpui West kawngchhoah hian tui hi a hnam tuam tuam vek mai a, hemi avanga he lei hi min ta mai a nih a rinawm.

9 comments »

  • Craftsmen said:  

    helai leimin hi kan veng lam pawh in kan tuar khawp mai,siamthra thuai thuai teh se..

  • A_es said:  

    Tlak lam hi chu a lung chu a nghet khopin ka hria, mhse leivung awmkhom hi chu khawi hmunah poh nise a hlauhawm bakah a nghet tak2 theilo. Pu Darchhinga in poh khi en mai aiin a nghet zek in ka hria :)
    He laimin hi a minna ram neitu lam hian an rawn ngaihven vakloin ka hria, a dik m aw??
    NP-a te poh an len duh hun aiia tlaiah an thlen phah ziah, a poi khp mai, mhse tunah chuan harsa takin an thianfai ta.

  • Craftsmen said:  

    A ram neitu in a rawn ngaihven vakloh chuan a duhtoh vaklo a nithei ang a...Dawrpui unau te khan neihsak leh daih ru...lolzz

  • Mizohican said:  

    A va rapthlak ve. Nunna chan te pawh an awm leh nghal chu a zialo khawp mai. Dawmdawiin nulla chu a thar siam in tum em?

  • A_es said:  

    Hei, vawiinah a min belh lehnghal a, a thlanga Tuikual Veng thleng pohin a hlawhawm phah. Naktuk zingah hnatlangin kan tifai dawn a ni awm e. NP-a bawk hi ani tuar leh tur chu!! :)
    illusionaire & NP-a te in rawn leng thin hi kan lawm ania, rawn tei lut fo thin teh u ....

  • Craftsmen said:  

    Temple Road tuikual a,Lung tohlawt deuh chung Dawrpui veng a insa pa hi ka ngei..engemaw palh tawk thei kan ni..a poi don em mai..Dawrpui veng hian mitthi in ngah lutuk palh ang tih ka lo hlau ve mai mai a...

  • A_es said:  

    Craftsmen, a dik chiah alom, a hnuaia cheng ni ta ila thin thiin kan mu thei dawn m ni mawle?! Mhse ka sawi tak ang khian a hre chiang cuan a nghet zek an ti e tlat, engpoh nise midang tana hlauhawm ani hrim2 eroh hi chu thil dik a ni bik don m ni le ka ti!

    Ni 6 khan mi thahnem tak hnatlang thawkchhuakte hian ke kal theih hram turin Footh path an thianfai a, a bak hi chu mihring han thawh hleihtheih a ni lo.
    VC ten chak taka hma an lakna zarah JCB-in leihvung paih hna a thawk reng chung pawhin a hmunhmain a zir loh em avangin duh angin hna a chak thei lo a ni.

  • Zkima said:  

    A min tur chin hi chu min zo vek law law mai se, kum tina min kher lo hian a kha ang. Helai kawnga kal thinte leh a hnuai lama chengte tan mangkhawng a ni ringawt. Hlauhawm lutuk.

  • Unknown said:  

    Chhiatna nasa zawk a thlen hma a a hun lai a hma lak vat a ngaih hmel a ni.thuneitu te chet ngaihna chi a nih hiiiii.......

  • Leave your response!

    Han sawi ve teh le.